ماسكەۋدە پروكۋراتۋرا بەلگىلى رەپەر اندرەي مەنشيكوۆقا (ليگالايز) قاتىستى جاڭا قىلمىستىق ءىس قوزعاۋدى تالاپ ەتىپ وتىر، دەپ حابارلايدى infohub.kz.
ريا ءنوۆوستيدىڭ مالىمەتىنشە، مۋزىكانت رەسەي ادىلەت مينيسترلىگى شەتەل اگەنتى دەپ تانىعان ادامدارعا جۇكتەلگەن مىندەتتەردى ورىندامادى دەگەن كۇدىككە ىلىنگەن. پروكۋراتۋرا ءباسپاسوز قىزمەتىنىڭ حابارلاۋىنشا، تەكسەرۋ ماتەريالدارى مەنشيكوۆتى رەسەي قىلمىستىق كودەكسىنىڭ 330.1-بابىنىڭ 2-بولىگى بويىنشا قىلمىستىق جاۋاپكەرشىلىككە تارتۋ ماسەلەسىن شەشۋ ءۇشىن تەرگەۋ ورگاندارىنا جىبەرىلگەن. بۇل باپ شەتەل اگەنتتەرى تۋرالى زاڭنامادا بەلگىلەنگەن مىندەتتەردى ورىنداۋدان جالتارۋ ءۇشىن جازانى كوزدەيدى.
ايتا كەتەيىك، 49 جاستاعى ءارتىس بۇعان دەيىن شەتەل اگەنتى رەتىندەگى قىزمەت ءتارتىبىن بۇزعانى ءۇشىن ەكى رەت اكىمشىلىك جاۋاپكەرشىلىككە تارتىلعان، الايدا الەۋمەتتىك جەلىلەردە شەتەل اگەنتى جاساعان ماتەريالدار دەپ بەلگىلەمەي جازبالارىن جاريالاۋدى جالعاستىرعان. ليگالايز شەتەل اگەنتتەرىنىڭ تىزىلىمىنە 2024 جىلدىڭ سوڭىندا ەنگىزىلگەن. وعان رەسەي بيلىگى مەن قارۋلى كۇشتەرىنىڭ ارەكەتتەرى تۋرالى اقپارات تاراتقانى نەگىز بولعان.