قازاقستاندا «CVK» قارجى پيراميداسىن ۇيىمداستىرۋشىلاردىڭ 474 مىڭ USDT كولەمىندەگى سيفرلىق اكتيۆتەرى تاركىلەندى. بۇل سوما 212 ملن تەڭگەگە تەڭ. قارجىلىق مونيتورينگ اگەنتتىگىنىڭ مالىمەتىنشە، قاراجات مەملەكەت كىرىسىنە ءتۇستى، ال سحەمانى ۇيىمداستىرۋشى سوتتى بولدى، دەپ حابارلايدى infohub.kz سايتى.
قما دەرەگىنشە، قازاقستاندىقتارعا جوق ۆيرتۋالدى دۇكەندەردى ساتىپ الۋدى ۇسىنىپ، كۇندەلىكتى تابىس پەن جاڭا سالىمشىلار ءۇشىن بونۋستار ۋادە ەتىلگەن.
«جوباعا قاتىسۋشىلارعا 120-دان 49 مىڭ اقش دوللارىنا دەيىنگى قۇنى بار ۆيرتۋالدى دۇكەندەردى الۋ ءۇشىن USDT كريپتوۆاليۋتاسىمەن اقشا سالۋ ۇسىنىلدى. ونىڭ ورنىنا ولارعا كۇندەلىكتى تابىس پەن جاڭا سالىمشىلاردى تارتقانى ءۇشىن قوسىمشا بونۋستار ۋادە ەتىلدى»، — دەپ حابارلادى قما.
الايدا ۆيرتۋالدى دۇكەندەردە ورنالاستىرىلعان تاۋارلار شىن مانىندە جوق ەدى. تابىس الۋ جاڭا قاتىسۋشىلاردى تارتۋعا جانە ولاردىڭ اقشا سالۋىنا تاۋەلدى بولدى. سالىمدار OKX پلاتفورماسى ارقىلى USDT كريپتوۆاليۋتاسىمەن ەلەكتروندىق ءامياندارعا اۋدارىلدى.
جەدەل ءىس-شارالار بارىسىندا 474 مىڭ USDT كولەمىندەگى كريپتواكتيۆتەردى، ياعني 212 ملن تەڭگەنى، قاتىرىپ ۇلگەردى. سوت وسى سيفرلىق اكتيۆتەردى مەملەكەت كىرىسىنە تاركىلەۋگە ۇكىم شىعاردى.
قارجى پيراميداسىنىڭ قۇرىلىمدىق بولىمشەسىن ۇيىمداستىرۋشى قايىربايەۆ س.ش. تاركىلەۋمەن قوسا ەكى جىلعا باس بوستاندىعىنان شەكتەۋ جازاسىنا سوتتالدى. ۇكىم زاڭدى كۇشىنە ەندى.
بۇعان دەيىن قما-نىڭ جالعان قىزمەتكەرلەرى وڭتۇستىك قازاقستانداعى مەديكتەن 15 ملن تەڭگە تالاپ ەتكەنى حابارلانعان بولاتىن.