سولتۇستىك قازاقستان وبلىسىندا ازاماتتاردى ميللياردتاعان تەڭگەگە قارىزعا باتىرىپ، زاڭسىز كاسىپكەرلىكپەن اينالىسقان ازاماتتىڭ ءىسى بويىنشا تەرگەۋ اياقتالدى. قارجىلىق مونيتورينگ اگەنتتىگى (قما) بۇل ءىس بويىنشا جيناقتالعان ماتەريالداردى سوتقا جولدادى.
بۇل تۋرالى Infohub.kz اقپارات اگەنتتىگى حابارلايدى.
زاڭسىز نەسيە بەرۋ سحەماسى
كۇدىكتى 2013 جىلدان 2025 جىلعا دەيىنگى ارالىقتا ليسەنزياسىز جەكە جانە زاڭدى تۇلعالارعا اقشالاي نەسيە بەرىپ وتىرعان. كەلىسىمشارتتاردا ناقتى بەرىلگەن سومادان الدەقايدا جوعارى كورسەتىلىپ، ونىڭ ىشىنە الدىن الا ەسەپتەلگەن سىياقىلار دا قوسىلعان. اي سايىنعى سىياقى مولشەرى نەسيە سوماسىنىڭ 5-10 پايىزىن قۇراعان، بۇل جىلدىق مولشەرلەمە بويىنشا 60-120 پايىزعا تەڭ.
نەسيەلەردى جاسىرۋ ءۇشىن م ۇلىكتى جالعان ساتۋ-ساتىپ الۋ شارتتارى رەسىمدەلگەن.
قارىز الۋشىلار ءۇشىن سالدارى
كۇدىكتىنىڭ قىلمىستىق جولمەن تاپقان تابىسى 1،8 ميلليارد تەڭگەدەن اسقان. قارجىلىق كومەككە ۇمىتتەنگەن ازاماتتار اۋىر شارتتارعا تاپ بولعان: جوعارى پايىزدىق مولشەرلەمەلەر، م ۇلىكتەرىنەن ايىرىلۋ ءقاۋپى.
«كۇدىكتىنىڭ قارىز الۋشىلارعا قىسىم كورسەتىپ، اقشا نەمەسە جىلجىمايتىن م ۇلىك بەرۋگە ماجبۇرلەگەنى انىقتالدى. ول ءتىپتى فيزيكالىق زورلىق-زومبىلىق پەن پسيحولوگيالىق قىسىم كورسەتۋدى دە قولدانعان»، — دەپ حابارلادى قما.
سونىمەن قاتار، ءارتۇرلى سوت شەشىمدەرى ارقىلى ءبىر سومانى ەكى رەت ءوندىرىپ الۋ فاكتىلەرى دە تىركەلگەن. بۇل رەتتە سوتقا مىندەتتەمەلەردىڭ ورىندالعانى تۋرالى مالىمەتتەر ادەيى ۇسىنىلماعان.
تاركىلەنگەن م ۇلىك
سوت سانكسياسىمەن، قىلمىستىق جولمەن الىنعان، جالپى قۇنى 1،1 ميلليارد تەڭگە بولاتىن م ۇلىككە تىيىم سالىندى. تاركىلەنگەن م ۇلىكتەر قاتارىندا 2 پاتەر، 2 تۇرعىن ءۇي، جەر ۋچاسكەسى جانە LAND ROVER RANGE ROVER، HYUNDAI STARIA اۆتوكولىكتەرى بار.
كۇدىكتىگە قاتىستى قاماۋدا ۇستاۋ تۇرىندەگى بۇلتارتپاۋ شاراسى تاڭدالدى. قىلمىستىق ءىس سوتقا جىبەرىلدى.