24 تامىزدا قازاقستاندا بەس ورمان ءورتى تىركەلدى، دەپ حابارلايدى infohub.kz سايتى.
ەكولوگيا جانە تابيعي رەسۋرستار مينيسترلىگىنىڭ مالىمەتىنشە، ورتتەر اقتوبە، قاراعاندى، باتىس قازاقستان جانە قوستاناي وبلىستارىندا، سونداي-اق «سەمەي» مەملەكەتتىك ورمان تابيعي رەزەرۆاتىنىڭ اۋماعىندا بولعان.
ۆەدومستۆو ورمان القاپتارىنا اۋەدەن دە، جەردەن دە تۇراقتى مونيتورينگ جۇرگىزىلىپ جاتقانىن اتاپ ءوتتى. ءورت وشاقتارى انىقتالعان كەزدە ورىنعا دەرەۋ قاجەتتى كۇشتەر مەن قۇرالدار جىبەرىلەدى. قازىرگى ۋاقىتتا ۋچاسكەلەردە ورمان شارۋاشىلىعى قىزمەتكەرلەرى مەن «قازاۆياورمانقورعاۋ» رمقك ماماندارى جۇمىس ىستەپ جاتىر.
ءورت ءسوندىرۋ توپتارىنىڭ باستى مىندەتى — وتتى وقشاۋلاۋ، ونىڭ كورشىلەس اۋماقتارعا تارالۋىنا جول بەرمەۋ جانە ءورتتى تولىق جويۋ. سونىمەن قاتار، ماماندار ءورت وتكەن ۋچاسكەلەردە قاۋىپسىزدىكتى قامتاماسىز ەتۋ جانە قايتا ءورت شىعۋىنىڭ الدىن الۋ جۇمىستارىن جۇرگىزۋدە.
مينيسترلىك تۇرعىندار مەن دەمالىسقا شىققانداردى ءورت قاۋىپسىزدىگى تالاپتارىن قاتاڭ ساقتاۋعا شاقىردى: وتتى قاراۋسىز قالدىرماۋ جانە كەتەر الدىندا وتتىڭ تولىق سونگەنىنە كوز جەتكىزۋ.
بۇعان دەيىن «كۋرسيۆ» بورنەو ارالىنداعى ورمان ورتتەرىن ەرىكتىلەرمەن بىرگە ءسوندىرىپ جۇرگەن 17 جاستاعى يندونەزيالىق رۋديانس تۋرالى حابارلاعان بولاتىن. ول جۇمىسقا سۋپەرمەن كوستيۋمىمەن شىعادى. قاڭتاردان شىلدەگە دەيىن يندونەزيادا ءورت 200 مىڭ گەكتاردان استام جەردى جويدى، ال ەل-نينوعا بايلانىستى قۋاڭشىلىق جاڭا ورتتەردىڭ شىعۋ ءقاۋپىن ارتتىرىپ، ولاردى ءسوندىرۋدى قيىنداتتى.