قارىز بولسا، شوتتار جابىلادى
قازاقستان رەسپۋبليكاسىنىڭ مەملەكەتتىك كىرىستەر كوميتەتى (مكك) سالىق بويىنشا قانداي قارىز سوماسىنان باستاپ قازاقستاندىقتاردىڭ شوتتارىن جاباتىنىن ايتتى. سونداي-اق، ءارتۇرلى قارىز سومالارى كەزىندە قانداي شارالار قولدانىلاتىنى تۋرالى ايتتى، دەپ حابارلايدى Infohub.kz اقپارات اگەنتتىگى.
اۋديت دەپارتامەنتىنىڭ قارىزدارمەن جۇمىس جونىندەگى باسقارماسىنىڭ باسشىسى قايسار ارىننىڭ ايتۋىنشا، العاشقى شەكتەۋلەر سالىق بەرەشەگى 20 اەك-تەن (2025 جىلى 86 500 تەڭگە) اسقان كەزدە قولدانىلا باستايدى.
«ءبىز سارالانعان ءتاسىلدى قولدانعاندىقتان، سالىق بەرەشەگى 20 اەك-تەن (86 500 تەڭگە) اسقان جاعدايدا ءوسىمپۇل ەسەپتەلەدى، حابارلاما جىبەرىلەدى، سودان كەيىن مەرزىمى بويىنشا – بانك شوتتارى بويىنشا شىعىس وپەراسيالارى، سونداي-اق كاسسالىق جانە ينكاسسالىق وكىمدەر توقتاتىلادى»، - دەپ ءتۇسىندىردى قايسار ارىن بريفينگ بارىسىندا.
ول 45 اەك-كە (2025 جىلى 194 625 تەڭگە) دەيىنگى بەرەشەك كەزىندە ءدال وسى شارالار قولدانىلاتىنىن اتاپ ءوتتى.
«كەيىننەن دەبيتورلىق بەرەشەكتى وڭدەۋ، م ۇلىكتى تۇگەندەۋ اكتىسىن جاساۋ، اكسيالاردى ىسكە اسىرۋ جانە شىعارۋ، ءتىپتى سوت شەشىمىمەن سالىق تولەۋشىنى بانكروت دەپ تانۋ مۇمكىن – قارىز وتەلمەگەن جاعدايدا»، - دەپ قوستى ول.
بۇعان دەيىن حابارلانعانداي، ەگەر سالىق تولەۋشى نەگىزگى قارىز سوماسىن 2026 جىلدىڭ 1 ساۋىرىنە دەيىن وتەسە، سالىقتار بويىنشا ءوسىمپۇلدار مەن ايىپپۇلدار ەسەپتەن شىعارىلادى.