قازاقستاننىڭ تابيعي مونوپوليالار كوميتەتى جىلۋ ەنەرگياسىن ەسەپكە الۋ قۇرالى جوق تۇتىنۋشىلارعا جىلۋمەن جابدىقتاۋ قىزمەتتەرىنىڭ قۇنىن قايتا ەسەپتەۋدى اياقتاعانىن حابارلادى. 2025–2026 جىلدارداعى جىلۋ ماۋسىمىنىڭ قورىتىندىسى بويىنشا قايتارىلاتىن جالپى سوما ققس-تى قوسا ەسەپتەگەندە 1 217،02 ملن تەڭگەنى قۇرادى، دەپ جازادى infohub.kz سايتى.
ۆەدومستۆونىڭ ءباسپاسوز قىزمەتى تۇسىندىرگەندەي، قايتا ەسەپتەۋ سىرتقى اۋانىڭ ناقتى تەمپەراتۋراسىن ەسكەرە وتىرىپ جۇرگىزىلەدى. ءتيىستى سوما تۇتىنۋشىنىڭ جەكە شوتىندا اۆانس (سالدو) رەتىندە جەكە جولمەن كورسەتىلەدى.
قايتا ەسەپتەۋ سومالارى وڭىرلەر بويىنشا بىلايشا ءبولىندى: استانا — 460،67 ملن تەڭگە؛ الماتى — 57،77 ملن تەڭگە؛ شىمكەنت — 38،50 ملن تەڭگە؛ اباي وبلىسى — 0،27 ملن تەڭگە؛ الماتى وبلىسى — 12،70 ملن تەڭگە؛ اقمولا وبلىسى — 13،98 ملن تەڭگە؛ اتىراۋ وبلىسى — 22،09 ملن تەڭگە؛ اقتوبە وبلىسى — 11،03 ملن تەڭگە؛ شىعىس قازاقستان وبلىسى — 298،56 ملن تەڭگە؛ جامبىل وبلىسى — 26،06 ملن تەڭگە؛ باتىس قازاقستان وبلىسى — 1،82 ملن تەڭگە؛ قوستاناي وبلىسى — 25،69 ملن تەڭگە؛ قىزىلوردا وبلىسى — 42،21 ملن تەڭگە؛ ماڭعىستاۋ وبلىسى — 161،60 ملن تەڭگە؛ پاۆلودار وبلىسى — 29،11 ملن تەڭگە؛ سولتۇستىك قازاقستان وبلىسى — 14،59 ملن تەڭگە؛ تۇركىستان وبلىسى — 0،37 ملن تەڭگە.
قاراعاندى وبلىسىندا، سونداي-اق ۇلىتاۋ جانە جەتىسۋ وبلىستارىندا جەكە قايتا ەسەپتەۋ قاراستىرىلماعان، ويتكەنى وندا جىلۋمەن جابدىقتاۋ قىزمەتتەرىنىڭ قۇنى سىرتقى اۋانىڭ ناقتى تەمپەراتۋراسىن ەسكەرە وتىرىپ ەسەپتەلگەن.
«استانادا 2025-2026 جىلدارداعى جىلۋ ماۋسىمى ءۇشىن قايتا ەسەپتەۋ سىرتقى اۋانىڭ ناقتى تەمپەراتۋراسىن ەسكەرە وتىرىپ جۇرگىزىلدى، ال ەسەپتەۋلەر ماۋسىم بويى ونىڭ وزگەرۋىنە قاراي اي سايىن تۇزەتىلىپ وتىردى»، — دەدى ۆەدومستۆودا.
سونىمەن قاتار، كوميتەتتە 2024-2025 جىلدارداعى جىلۋ ماۋسىمىنىڭ قورىتىندىسى بويىنشا جىلۋ ەنەرگياسىن ەسەپكە الۋ قۇرالى جوق تۇتىنۋشىلارعا شامامەن 1 554،7 ملن تەڭگە سوماسىنا قايتا ەسەپتەۋ جۇرگىزىلگەنىن ەسكە سالدى.