قازاقستاننىڭ ەكىنشى راكەتكاسى الەكساندر شەۆچەنكو اقش اشىق چەمپيوناتىنداعى (US Open 2026) العاشقى ويىنىن جەڭىلىسپەن باستادى، دەپ حابارلايدى infohub.kz سايتى.
الەمدىك رەيتينگتە 98-ورىندا تۇرعان تەننيسشى ءبىرىنشى اينالىمدا حورۆاتيالىق دينو پريزميچپەن كەزدەستى. ول رەيتينگتە ءتورت ساتى تومەن ورنالاسقان.
ماچ ماكسيمالدى بەس سەتكە سوزىلدى. ءتورتىنشى سەتتە پريزميچ ماچتى اياقتاۋ ءۇشىن پوداچا جاسادى، ءبىراق شەۆچەنكو برەيك جاساپ، كۇرەستى جالعاستىردى. شەشۋشى پارتيادا قازاقستاندىق بىرنەشە ماچبولدى پايدالانا المادى. سوڭىندا حورۆات 2:6، 6:3، 6:3، 5:7، 7:5 ەسەبىمەن جەڭىسكە جەتتى.
قارسىلاستار كورتتا 3 ساعات 54 مينۋت وتكىزدى. وسى ۋاقىت ىشىندە شەۆچەنكو 14 ەيس جاسادى، جەتى قوس قاتەلىك جىبەردى جانە 15 برەيك-پوينتتىڭ التاۋىن پايدالاندى.
ەكىنشى راكەتكانىڭ جارىستان شىعىپ قالۋىنان كەيىن قازاقستان اتىنان US Open جەكەلەي سىندا تەك الەكساندر بۋبليك قالدى. تۋرنيردە 15ء-شى ءنومىرلى جەرەبە يەگەرى استانا ۋاقىتىمەن 31 تامىزعا قاراعان ءتۇنى ءوز ويىنىن باستايدى.