قىرىققۇلاق — جاپىراقتارى تىلىمدەنگەن ساندىك وسىمدىك. 12 مىڭنان استام ءتۇرى بار. قازاقستاندا 35-كە جۋىعى كەزدەسەدى. كەيبىر تۇرلەرى تامىرى ارقىلى، كەيبىرى جاپىراعىندا پايدا بولاتىن ءونىم بۇرشىكتەرىمەن كوبەيەدى. قىراننىڭ قاناتىنا ۇقساس جاپىراعىنداعى قىزىل ءتۇستى بۇرشىگى ءتۇن ورتاسىندا جان-جاعىنا جارىق شاشادى. قىرىققۇلاق گۇلدەمەيدى. ءبىراق وسى بۇرشىك جىلىنا ءبىر رەت الاۋلاعان گۇل اشادى، سول گۇلدى كىمدە-كىم ج ۇلىپ السا، بالە-جالادان قۇتىلىپ، باقىتتى عۇمىر كەشەدى دەگەن ۇعىم بار. قىرىققۇلاقتىڭ كەيبىر ءتۇرىنىڭ جاڭا شىققان جاپىراعىن تاماققا، ءدارى جاساۋعا پايدالانادى.