قونايەۆتا دەمالىس بازاسىندا 11 جاستاعى بالانى توك سوعىپ مەرت قىلدى
الماتى وبلىسى، قونايەۆ قالاسىنداعى دەمالىس بازالاردىڭ بىرىندە 11 جاستاعى بالانى توك سوعىپ، كوز جۇمدى. قايعىلى جاعدايدى قالا اكىمدىگىنىڭ باسپا ءسوز قىزمەتى راستادى.
مارقۇمنىڭ تۋىستارىنىڭ ايتۋىنشا، جاعاجاي ماڭىندا ەلەكتر سىمدارى سالبىراپ تۇرعان، ال دەمالىس ورنىنىڭ اكىمشىلىگى بۇل ماسەلە جايلى بۇرىننان حاباردار بولعان. "وسى جەردە بۇعان دەيىن مال دا توكقا ءتۇسىپ ولگەن، ءبىراق ەشقانداي شارا قولدانىلمادى"، – دەيدى بالانىڭ اپكەسى.
«ءىنىمنىڭ بالاسى بارحانعا ويناۋعا بارعان. سىم اسپان تۇستەس بولىپ، بايقالماي قالعان. توك ۇرىپ ءولتىردى. اجەمىزدىڭ ايقايىنا جۇگىرىپ كەلگەن قىزدى دا توك سوقتى. ونىڭ دەنەسى كۇيىپ قالدى. تاعى ءبىر جىگىت تە توكقا تۇسكەن»، – دەپ جازدى تۋىسى.
قونايەۆ اكىمدىگىنىڭ مالىمەتىنشە، ەلەكتر جەلىلەرى جەكە مەنشىككە تيەسىلى بولعان. قايعىلى وقيعادان كەيىن تىرەكتەر جاعاجايدان الىستاتىلعان.
ءقازىر وقيعا بويىنشا ءتيىستى ورگاندار تەكسەرۋ جۇمىستارىن جۇرگىزىپ جاتىر، ال تۋىستارى دەمالىس بازاسىنىڭ جاۋاپكەرشىلىگىن قاراۋدى تالاپ ەتۋدە.
You Might Also Like
-
قازاقستاندا ورتاشا زەينەتاقى 143 400 تەڭگەنى قۇرادى،-دەپ جازادى ينفوحاب.
-
مەملەكەت جەكەمەنشىك مەكتەپتەردىڭ باستاۋىش سىنىپ وقۋشىلارىن تەگىن تاماقتاندىرۋعا 12 ملرد تەڭگەدەن استام قارجى ءبولدى،دەپ جازادى ينفوحاب.
