الماتىنىڭ جەتىسۋ اۋدانىنا جاڭا اكىم تاعايىندالدى. بۇل قىزمەتكە بۇرىن الماتى قالاسى اكىمى اپپاراتى باسشىسىنىڭ ورىنباسارى بولعان قۋراسبەك سادىبەكوۆ كەلدى. بۇل تۋرالى infohub.kz سايتى حابارلايدى.
الماتى اكىمدىگىنىڭ ءباسپاسوز قىزمەتى مالىمدەۋىنشە، ءتيىستى وكىمگە قالا اكىمى دارحان ساتىبالدى پرەزيدەنت اكىمشىلىگىمەن جانە قالالىق ماسليحاتپەن كەلىسە وتىرىپ قول قويعان.
قۋراسبەك سادىبەكوۆ 1989 جىلى 28 جەلتوقساندا استانادا دۇنيەگە كەلگەن. ول ءال-فارابي اتىنداعى قازاق ۇلتتىق ۋنيۆەرسيتەتىن «ساياساتتانۋ» ماماندىعى بويىنشا بىتىرگەن. 2017 جىلى مانچەستەر ۋنيۆەرسيتەتىندە ( ۇلىبريتانيا) «حالىقارالىق دامۋ: ساياسات، باسقارۋ جانە دامۋ ستراتەگياسى» ماماندىعى بويىنشا وقۋىن اياقتاعان.
ەڭبەك جولىن 2011 جىلى شىمكەنت قالاسىنداعى اباي اۋدانى اكىمى اپپاراتىنىڭ باس مامانى قىزمەتىنەن باستاعان.
2013–2017 جىلدارى قازاقستان رەسپۋبليكاسى ءبىلىم جانە عىلىم مينيسترلىگىنىڭ جاستار ءىسى جونىندەگى كوميتەتىندە ءتۇرلى لاۋازىمدار اتقارعان.
2014–2017 جىلدارى قازاقستان رەسپۋبليكاسى ءبىلىم جانە عىلىم مينيسترلىگىنىڭ ستراتەگيالىق جوسپارلاۋ جانە دامۋ دەپارتامەنتىندە باس ساراپشى بولىپ جۇمىس ىستەگەن.
2017–2019 جىلدارى قازاقستان رەسپۋبليكاسى پارلامەنتى سەناتى دەپۋتاتىنىڭ كومەكشىسى بولعان.
2019–2022 جىلدارى تاشكەنت قالاسىنداعى قازاقستان رەسپۋبليكاسىنىڭ وزبەكستان رەسپۋبليكاسىنداعى ەلشىلىگىندە ءۇشىنشى حاتشى رەتىندە ديپلوماتيالىق قىزمەت اتقارعان.
2022 جىلدىڭ قازانىنان 2025 جىلدىڭ قاڭتارىنا دەيىن تۇركىستان وبلىسى اكىمى اپپاراتى باسشىسىنىڭ ورىنباسارى قىزمەتىندە بولدى.
2025 جىلدىڭ قاڭتارىنان مامىرىنا دەيىن قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك باقىلاۋ ءبولىمىنىڭ ينسپەكتورى لاۋازىمىن اتقارعان.
2025 جىلدىڭ مامىرىنان جەتىسۋ اۋدانىنىڭ اكىمى بولىپ تاعايىندالعانعا دەيىن الماتى قالاسى اكىمى اپپاراتى باسشىسىنىڭ ورىنباسارى قىزمەتىندە بولدى.