جۇڭگو ينجەنەرلەرى بولمەدەگى ماسالاردى لازەرمەن جوياتىن قۇرىلعىنى جاساپ شىقتى. Photon Matrix گادجەتىنىڭ العاشقى پارتياسى تامىز ايىنىڭ سوڭىندا ساتىپ الۋشىلارعا جەتكىزىلەدى، دەپ حابارلايدى infohub.kz سايتى.
Photon Matrix ليدارمەن، ميلليمەترلىك رادارمەن جانە جاساندى ينتەللەكتى بار كامەرامەن جابدىقتالعان. جۇيە ۇشاتىن جاندىكتەردى باقىلاپ، ولاردىڭ كوورديناتتارىن انىقتايدى دا، لازەر ساۋلەسىن باعىتتايدى. وسىلايشا، ادامعا تەك مينياتيۋرالىق اۋە قورعانىس جۇيەسىنىڭ قانسورعىشتارمەن كۇرەسىن باقىلاۋ عانا قالادى.
كومپانيا ءوندىرىستى باستاپ، ينتەرنەت-دۇكەنىن اشتى. ساتىپ الۋشىلارعا ينفرا قىزىل جانە كوك لازەرلى نۇسقالار ۇسىنىلادى.
دەگەنمەن، قۇرىلعىنىڭ ناقتى جاعدايداعى تيىمدىلىگى ازىرگە تاۋەلسىز سىناقتارمەن راستالعان جوق. ءوندىرۋشى قاۋىپسىزدىك تۋرالى مالىمەتتەردى كەيىنىرەك جاريالاۋعا ۋادە بەرەدى.
الەۋمەتتىك جەلى قولدانۋشىلارى لازەر قاتەلەسىپ مىسىققا، يتكە نەمەسە يەسىنىڭ وزىنە باعىتتالۋى مۇمكىن دەپ الاڭداۋدا. ازىرلەۋشىلەر جۇيەنىڭ ماسالاردى باسقا نىسانداردان اجىراتا الاتىنىن دالەلدەۋى كەرەك.
بۇعان دەيىن اتىراۋدا ماسالارمەن كۇرەسۋ ءۇشىن دروندار تارتىلعانى حابارلانعان بولاتىن.