قىتايدىڭ شىعىسىنداعى سەل سالدارىنان قازا تاپقاندار سانى ۇشكە جەتتى. بۇل تۋرالى «ساۋدەل» تايفۋنى اكەلگەن نوسەرلى جاڭبىردان كەيىن حابارلاندى. تاعى توعىز ادام ىزدەستىرىلۋدە.
سەل سزيانسي پروۆينسياسىنىڭ سۋيچۋان اۋدانىنداعى اۋىلدىڭ ءبىر بولىگىن باسىپ قالدى. سالدارىنان ون ەكى ءۇي زاقىمداندى. قۇتقارۋشىلار جەكسەنبى كۇنى تاعى ەكى ادامنىڭ ءمايىتىن تاپتى، دەپ حابارلايدى مەملەكەتتىك CCTV تەلەارناسى. ەل بويىنشا 5300-دەن استام ادام ءقاۋىپسىز جەرگە كوشىرىلدى.
سونىمەن قاتار، CCTVء-دىڭ حابارلاۋىنشا، تايفۋننان كەيىنگى نوسەر قىتايدىڭ وڭتۇستىك-ورتالىعىنداعى حۋنان پروۆينسياسىندا ەكى ادامنىڭ قازاسىنا سەبەپ بولعان. بۇل ءولىمنىڭ سەبەبى ناقتىلانباعانىمەن، جاڭبىر توپىراق كوشكىنى مەن باسقا دا اپاتتاردى تۋدىرعانى ايتىلعان.
«ساۋدەل» تايفۋنى 28 تامىزدا چجەسزيان پروۆينسياسىنا ەكى رەت سوققى بەرىپ، 3 قىركۇيەكتە فۋسزيان پروۆينسياسىنا تروپيكالىق داۋىل رەتىندە ءۇشىنشى رەت جەتكەن. بۇل تۋرالى قىتايدىڭ رەسمي سينحۋا اگەنتتىگى حابارلادى. ەكى پروۆينسيا دا سزيانسيمەن شەكتەسەدى.