يلون ماسكتىڭ كومپانياسىنىڭ زىمىرانى 8700 كم/ساع جىلدامدىقپەن بۇگىن اي بەتىنە سوعىلدى، دەپ حابارلايدى infohub.kz.
BBC اگەنتتىگىنىڭ مالىمەتىنشە، SpaceX زىمىرانىنىڭ سىنىعى عارىشتا 18 ايدان استام ۇشقاننان كەيىن ايعا قۇلادى. الەمدىك ب ا ق پەن عالىمدار بۇل وقيعانى تىكەلەي ەفيردە باقىلادى.
عالىمداردىڭ دەرەگىنشە، نىسان شامامەن 2،43 كم/سەك جىلدامدىقپەن قوزعالعان، بۇل 8700 كم/ساع-قا تەڭ.
ايعا قۇلاعان Falcon 9 زىمىرانىنىڭ بولجامدى بولىگى — جەرگە قونبايتىن جوعارعى ساتىسى، ونىڭ كولەمى شامامەن بەس قاباتتى ۇيدەي. بۇل سوققى SpaceX كومپانياسى 2025 جىلدىڭ قاڭتارىندا ەكى امەريكا-جاپون اي ءمودۋلىن ۇشىرعاننان كەيىن گراۆيتاسيا مەن كۇن ساۋلەسىنىڭ اسەرىنەن بولعان، دەپ جازادى باسىلىم.
ناسا بۇل سوققى جەرگە ەشقانداي ءقاۋىپ توندىرمەيتىنىن العا تارتىپ وتىر، ال استرونومدار سوققىدان پايدا بولعان سىنىقتاردى زەرتتەۋ ءۇشىن جارىلىس ورنىن كورۋ مۇمكىندىگىن كۇتۋدە.
كەيبىر عالىمدار جەر تۇرعىندارى عارىشتىق قوقىستىڭ جينالۋى مەن بۇل سوققىلاردىڭ بولاشاق عارىشتى يگەرۋگە اسەرى تۋرالى الاڭداۋى كەرەك ەكەنىن ەسكەرتەدى.