قوستاناي وبلىسى اكىمىنىڭ ورىنباسارى قىزمەتىن اتقارعان رينات مۇحامەتقالي قازاقستان پرەزيدەنتى اكىمشىلىگىندە جاڭا قىزمەتكە تاعايىندالدى. ءتيىستى وكىمگە مەملەكەت باسشىسى قاسىم-جومارت توقايەۆ قول قويدى، دەپ حابارلايدى infohub.kz سايتى.
پرەزيدەنتتىڭ ءباسپاسوز قىزمەتىنىڭ مالىمەتىنشە، مۇحامەتقالي قازاقستان رەسپۋبليكاسى پرەزيدەنتى اكىمشىلىگىنىڭ جالپى ءبولىمىنىڭ مەڭگەرۋشىسى بولىپ تاعايىندالدى. ول بۇعان دەيىن، 2025 جىلدىڭ قاڭتارىنان باستاپ، ق ر مادەنيەت جانە اقپارات مينيسترلىگى اپپاراتىنىڭ باسشىسى قىزمەتىن اتقارعان.
رينات مۇحامەتقالي 1981 جىلى دۇنيەگە كەلگەن. دۋلاتي اتىنداعى تاراز مەملەكەتتىك ۋنيۆەرسيتەتىن «قۇقىقتانۋ» ماماندىعى بويىنشا بىتىرگەن. ەڭبەك جولىن 2002 جىلى جەكە جانە مەملەكەتتىك ۇيىمداردا باستاعان. 2004-2009 جىلدارى ادىلەت مينيسترلىگىنىڭ زاڭناما دەپارتامەنتىندە جەتەكشى جانە باس مامان، باسقارما باسشىسىنىڭ ورىنباسارى جانە باسقارما باسشىسى قىزمەتتەرىن قوسا اتقارعان.
2009-2010 جىلدارى ادىلەت مينيسترلىگىنىڭ زاڭعا تاۋەلدى اكتىلەر دەپارتامەنتى ديرەكتورىنىڭ ورىنباسارى بولعان. 2010-2021 جىلدارى پرەزيدەنت اكىمشىلىگىندە ينسپەكتور، سەكتور مەڭگەرۋشىسى، مەملەكەتتىك قىزمەت جانە كادر ساياساتى ءبولىمى مەڭگەرۋشىسىنىڭ ورىنباسارى قىزمەتتەرىن اتقارعان. 2021-2022 جىلدارى مەملەكەتتىك قىزمەت ىستەرى اگەنتتىگىنىڭ اپپاراتىن باسقارعان، ال 2022-2023 جىلدارى پرەزيدەنت اكىمشىلىگى باسشىسىنىڭ حاتشىلىعىنىڭ مەڭگەرۋشىسى بولعان. 2023 جىلدىڭ قاڭتارىنان مادەنيەت مينيسترلىگىنە اۋىسقانعا دەيىن قوستاناي وبلىسى اكىمىنىڭ ورىنباسارى قىزمەتىن اتقارعان.