Agility Robotics كومپانياسى وندىرىستەگى قاۋىپسىزدىك ەرەجەلەرىن مەڭگەرگەن Digit 5 گۋمانويدتى روبوتىن تانىستىردى: قۇرىلعى ەڭكەيىپ، ادامدى كورگەندە جول بەرۋدى ۇيرەندى، دەپ حابارلايدى infohub.kz سايتى.
ازىرلەۋشىلەر جاڭا قۇرىلعىنى قوزعالىستى تانۋدىڭ كۇردەلى جۇيەسىمەن جابدىقتاعان. روبوت جانىنداعى ادامدى بايقاعان بويدا بىردەن توقتايدى، قوزعالىس تراەكتورياسىن وزگەرتەدى نەمەسە اۆتوماتتى تۇردە ەڭكەيىپ، قۇرمەت كورسەتكەندەي قالىپقا تۇسەدى. بۇل مەحانيزم زاۋىتتار مەن قويمالارداعى قىزمەتكەرلەردىڭ دەنساۋلىعىنا كەزدەيسوق كەلەتىن قاۋىپ-قاتەردى تولىق جويۋ ءۇشىن جاسالعان.
كومپانيا وكىلدەرى جاڭا قۇرىلعىنى جاساۋدا وندىرىستەگى قاۋىپسىزدىك باستى باسىمدىق بولعانىن اتاپ ءوتتى. باسقا كومپانيالاردىڭ بۇرىنعى بۋىن روبوتتارىندا ادامداردى جاراقاتتاعان وقيعالار بىرنەشە رەت بولعان. وسىنداي قاۋىپتەردى بولدىرماۋ جانە OSHA ستاندارتتارىنا ساي بولۋ ءۇشىن ازىرلەۋشىلەر جاساندى ينتەللەكت الگوريتمدەرى مەن داچيكتەر كەشەنىن ەنگىزدى.
كىرىكتىرىلگەن قورعانىس جۇيەلەرىنەن بولەك، روبوتتىڭ تەحنيكالىق سيپاتتامالارى دا جاقسى. قۇرىلعىنىڭ باتارەياسى 90 مينۋت اۆتونومدى جۇمىسقا جەتەدى، سونىمەن قاتار روبوت 22 كيلوگرامعا دەيىنگى جۇكتى كوتەرىپ، 2 مەتردەن بيىك سورەلەرگە قول جەتكىزە الادى. ءوندىرۋشى روبوت ونەركاسىپ نىساندارىندا تولىققاندى كومەكشى بولادى دەپ سەنەدى.