اتاقتى مۋزىكالىق اسپاپتار ءوندىرۋشىسى Roland كومپانياسى مينونداردىڭ داۋىسىمەن ويناي الاتىن GO:KEYS 3 Minion سينتەزاتورىن تانىستىردى، دەپ حابارلايدى infohub.kz سايتى.
جاڭا اسپاپ كەيىپكەرلەردىڭ دجينسى كومبينەزونىن ەسكە سالاتىن كوك اشەكەيى بار فيرمالىق سارى تۇستە جاسالعان، ال كورپۋسى ولاردىڭ سۋرەتتەرىمەن بەزەندىرىلگەن.
اسپاپتىڭ باستى ەرەكشەلىگى — دىبىس قوزعالتقىشى: وعان تانىمال ۇشتىكتىڭ — بوب، كەۆين جانە ستيۋارتتىڭ داۋىستارى بار 32 بىرەگەي پرەسەت قوسىلعان. ەندى مۋزىكانتتار كلاسسيكالىق تۋىندىنى دا، زاماناۋي ءحيتتى دە وسى سارى مۋلتكەيىپكەرلەردىڭ ويدان شىعارىلعان تىلىندە ويناي الادى.
قالعان جاعىنان قۇرىلعى جاڭادان باستاۋشىلار مەن اۋەسقويلارعا ارنالعان نەگىزگى GO:KEYS 3 مودەلىن قايتالايدى. سينتەزاتور 61 پەرنەمەن، كىرىكتىرىلگەن ديناميكتەرمەن جابدىقتالعان جانە قاراپايىم ساۋساق باتارەيكالارىمەن جۇمىس ىستەي الادى. ونىڭ كىتاپحاناسىندا پيانينو مەن ىشەكتى اسپاپتاردان باستاپ باراباندار مەن ەلەكتروندى سينتەزاتورلارعا دەيىنگى مىڭنان استام كلاسسيكالىق دىبىس بار.
اشىق بەزەندىرىلگەن اسپاپ پەن كۇلكىلى داۋىس ەففەكتىلەرى ءۇشىن ساتىپ الۋشىلار 450 دوللار تولەۋى كەرەك. بۇل تاقىرىپتىق ديزاينى جوق ستاندارتتى نۇسقادان شامامەن 65 دوللارعا قىمبات. قۇرىلعىنى جاڭادان باستاعان مۋزىكانتتار مەن مۋلتفيلم جانكۇيەرلەرىنە تاماشا سىيلىق رەتىندە ۇسىنىپ وتىر.