Telegram مەسسەندجەرىنىڭ نەگىزىن قالاۋشى پاۆەل دۋروۆ رەسەيدىڭ قارجى مونيتورينگى قىزمەتىنىڭ (روسفينمونيتورينگ) تەرروريستەر مەن ەكسترەميستەر تىزىمىنە ەنگىزىلدى، دەپ حابارلايدى infohub.kz سايتى.
ريا نوۆوستي دەرەگىنشە، روسفينمونيتورينگ دۋروۆتى ءتيىستى تىزىلىمگە ەنگىزگەن. تىزىمدە: «دۋروۆ پاۆەل ۆالەرەۆيچ، 10.10.1984 ج.ت.، لەنينگراد قالاسى» دەپ كورسەتىلگەن.
تىزىلىمگە ەنگىزىلگەن ادامدار مەن ۇيىمدارعا باق-پەن بايلانىسۋعا، جەلىدە اقپارات تاراتۋعا، جاريا ءىس-شارالار ۇيىمداستىرۋعا، سايلاۋعا قاتىسۋعا جانە سالىق، جالاقى مەن كەلتىرىلگەن زياندى وتەۋدەن باسقا قارجىلىق قىزمەتتەردى پايدالانۋعا تىيىم سالىنادى.
كەشە دۋروۆقا تەرروريزمگە جاردەمدەسۋ بابى بويىنشا ايىپ تاعىلدى. وسىدان كەيىن Telegram-نىڭ رەسمي اككاۋنتىندا X الەۋمەتتىك جەلىسىندە دۋروۆتىڭ مۇراعاتتىق سۋرەتى جاريالاندى، وندا ول تاماق ءىشىپ وتىرعان ۇستەل باسىندا كامەراعا ورتاڭعى ساۋساعىن كورسەتىپ تۇر. سۋرەتتە قولتاڭبا جوق، ءبىراق جاريالانىم كوپتەگەن پىكىرلەر جينادى.
ەسكە سالا كەتەيىك، رەسەيدىڭ فقق (فسب) Telegram اكىمشىلىگىن ۋكراينا ارنايى قىزمەتتەرى رەسەيدە تەراكتىلەر مەن جاپپاي كىسى ولتىرۋلەرگە دايىندىق ءۇشىن بەلسەندى پايدالاناتىن ارنالار، چاتتار مەن بوتتاردى جويمادى دەپ ايىپتادى.