ۋەفا شتاب-پاتەرىندە چەمپيوندار ليگاسىنىڭ 2026/27 ماۋسىمىنداعى نەگىزگى ءتۋرنيرىنىڭ جەرەبەسى ءوتتى. قاقپاسىن قازاقستاندىق ستاس پوكاتيلوۆ قورعايتىن ءازىربايجاندىق «ساباح» تۋرنيردەگى دەبيۋتىندە يسپانيالىق «بارسەلونا» جانە «ۆيلياررەال»، اعىلشىندىق «ارسەنال» جانە «مانچەستەر يۋنايتەد»، نەمىستىڭ دورتمۋندتىق «بورۋسسياسى»، يتاليالىق «ناپولي»، چەحيالىق «سلاۆيا» جانە نورۆەگيالىق «ۆيكينگ»-پەن كەزدەسەدى... دەپ حابارلايدى infohub.kz.
«بارسانى»، «بورۋسسيانى»، «ناپولي» جانە «سلاۆيانى» «ساباح» باكۋدە قابىلدايدى. قالعان كلۋبتارمەن قوناقتا وينايدى.
29 كوماندا جالپى كەزەڭگە تىكەلەي جولداما الدى. تاعى جەتى قاتىسۋشى ىرىكتەۋ قورىتىندىسى بويىنشا انىقتالدى.
نەگىزگى تۋرنيرگە جولداما الۋ جولىندا ليتۆالىق مامان ۆالداس دامبراۋسكاستىڭ شاكىرتتەرى، وتكەن جىلى «قايرات» سياقتى، ىرىكتەۋدىڭ ءتورت كەزەڭىنەن ءوتتى. باسىندا ءازىربايجان چەمپيونى ۋەلستىك ءتنس-تى ەكى رەت ۇتتى – 2:0، 2:1. ەكىنشى راۋندتا فيندىك كۋپس-تى جەڭدى – 1:0، 2:0. سودان كەيىن دانيالىق «ورحۋس» ءوتىلدى – 1:2، 4:0. پلەي-وففتا «ساباح» يزرايلدىك بەەر-شەۆاداعى «حاپوەلدى» تىزە بۇكتىردى – 1:2، 5:2. سوڭعى ويىندا پوكاتيلوۆ ەكى رەت قاتەلەستى، ءبىراق بۇل ونىڭ كومانداسىنىڭ وۆەرتايمدا ءىرى جەڭىسكە جەتۋىنە كەدەرگى بولمادى.
ءبىر قىزىعى، 33 جاستاعى قازاقستاندىق قاقپاشى ستاس پوكاتيلوۆ، باكۋلىكتەردىڭ نەگىزگى قاقپاشىسى، ءۇشىنشى ەۋروكۋبوكتىڭ نەگىزگى تۋرنيرىندە ويناۋ مۇمكىندىگىنە يە بولدى. 2013 جىلى 21 جاستاعى قاقپاشى قاراعاندىلىق «شاحتەر» ساپىندا ەۋروپا ليگاسىنىڭ توبىندا ويناسا، 2021 جىلى «قايرات» ساپىندا كونفەرەنسيالار ليگاسىندا ونەر كورسەتتى. چەمپيوندار ليگاسى ورال تۋماسىنىڭ كوللەكسياسىن تولىقتىرادى، ونىڭ ەنشىسىندە قازاقستان قۇراماسى ساپىندا 30 ماچ بار.
چەمپيوندار ليگاسىنىڭ 2026/27 رەگلامەنتى بويىنشا 36 كوماندانىڭ ءارقايسىسى نەگىزگى راۋندتا ءارتۇرلى قارسىلاستارمەن 8 ماچ وتكىزەدى. 1/8 فينالعا تىكەلەي سەگىز ۇزدىك كلۋب شىعادى. 9-دان 24-ورىنعا دەيىن ورنالاسقان كوماندالار 1/8 فينالعا شىعۋ ءۇشىن پلەي-وفف ماچتارىنا قاتىسادى. ءارى قاراي – پلەي-وفف. چەمپيوندار ليگاسىنىڭ 2026/27 فينالى كەلەسى جىلدىڭ 5 ماۋسىمىندا مادريدتىك «مەتروپوليتانو» ستاديونىندا وتەدى.
چەمپيوندار ليگاسىنىڭ نەگىزگى كەزەڭىندەگى ماچتاردىڭ ناقتى كەستەسى كەيىنىرەك جاريالانادى. ازىرگە كۇندەر بەلگىلى:
⚽ 1-تۋر. 8-10 قىركۇيەك
⚽ 2-تۋر. 13-14 قازان
⚽ 3-تۋر. 20-21 قازان
⚽ 4-تۋر. 3-4 قاراشا
⚽ 5-تۋر. 24-25 قاراشا
⚽ 6-تۋر. 8-9 جەلتوقسان
⚽ 7-تۋر. 19-20 قاڭتار
⚽ 8-تۋر. 27 قاڭتار
قازاقستان چەمپيونى «قايرات» بيىلعى چەمپيوندار ليگاسىنىڭ ىرىكتەۋىندە ءساتسىز وينادى. سودان ەۋروپا ليگاسىنىڭ ىرىكتەۋىنە ءتۇستى. اقىرىندا، بالكىم، كونفەرەنسيالار ليگاسىندا قالادى. «اندەرلەحتپەن» جاۋاپ ماچى بۇگىن كەشكە وتەدى. ءبىرىنشى ويىندا الماتىلىقتار ءوز الاڭىندا 0:3 ەسەبىمەن ۇتىلعان ەدى.
ەۋروپا ليگاسى مەن كونفەرەنسيالار ليگاسىنىڭ نەگىزگى تۋرنيرلەرىنىڭ جەرەبەسى ەرتەڭ وتەدى.