ساڭىراۋقۇلاقتاردىڭ جالپى سيپاتتاماسى

ساباقتىڭ تاقىرىبى: ساڭىراۋقۇلاقتاردىڭ جالپى سيپاتتاماسى.
ءادىس - تاسىلدەر وقىتۋ مەن وقۋداعى جاڭا تاسىلدەر، ستو ستراتەگيالارى: جيگسو، «كرەستيكتەر نولدىكتەر»، ءوۇب.
ماقساتى: ساڭىراۋقۇلاقتار دۇنيەسى تۋرالى جالپى تۇسىنىك بەرۋ. ساڭىراۋقۇلاق اعزاسىنىڭ ەرەكشەلىكتەرىن ءبىلۋ. العان بىلىمدەرىن ومىردە قولدانا الۋعا ۇيرەتۋ.
كۇتىلەتىن ناتيجەسى وقۋشىلار اراسىندا ءوزارا قارىم - قاتىناس قالىپتاسادى؛ تاقىرىپتى ءوز بەتىنشە وقىپ، مازمۇنىن ۇعىنا الادى؛
ءوز ويلارىن ەركىن جەتكىزە بىلەدى؛ توپتىق ديالوگ قالىپتاسادى؛ سىندارلى سويلەي بىلۋگە ىنتالانادى؛
ويلاۋدىڭ جوعارى دەڭگەيىنە ۇمتىلادى؛ وقۋشىلار وزدەرىنىڭ قابىلەتتەرىن دامىتا الادى؛ ءوزىن - ءوزى باعالاي الادى، ءوزىن - ءوزى رەتتەي الادى؛ اقپاراتتىق - كوممۋنيكاسيالىق تەحنولوگيانى قولدانىپ، اقپاراتتى تاڭداي الادى.

ساباقتىڭ مازمۇنى

ۇيىمداستىرۋ كەزەڭى. سالەمدەسۋ. اعىلشىنشا سالەمدەسۋ. وقۋشىلاردى پسيحولوگيالىق
دايىنداۋ.(كوڭىل كۇيىمىز قالاي؟( ) ساباققا دايىندىعىمىز قالاي؟ ( ) ىنتامىز شە؟ ( )

سىنىپتى توپقا ءبولۋ. وقۋشىلار كورمەي تۇرىپ قوراپتان بوياۋ ماركەرلەردى الادى. الىنعان ماركەر تۇسىنە بايلانىستى توپتارعا بىرىگەدى.
قىزىل
كوك
جاسىل
سارى 4 توپقا ءبولۋ.

«كرەستيكتەر نولدىكتەر» ءادىسى ارقىلى ءۇي تاپسىرماسىن سۇراۋ. 1. ۇساق اعزالاردى العاش رەت كىم اشتى؟ 2. كوزگە كورىنبەيتىن ۇساق ءتىرى اعزالاردى زەرتتەيتىن عىلىم؟ 3. باكتەريا قانداي جاعدايدا سپورا تۇزەدى؟ 4. قورەكتەنۋىنە بايلانىستى قالاي بولىنەدى؟ 5. باكتەريوز قانداي اۋرۋ؟ 6. ءبىزدىڭ عالامشارىمىزدىڭ تازالاۋشى سانيتارى قانداي باكتەريالار؟ 7. ەپيدەميا(ىندەت) دەگەن نە؟ 8. باكتەريالاردىڭ شارۋاشىلىقتا قانداي ماڭىزى بار؟ 9. سيانوباكتەريالار دەگەن نە؟ 1. باكتەريالاردىڭ پىشىندەرى قانداي؟ 2. ورالما ءتارىزدى باكتەريالار قالاي اتالادى؟ 3. پارازيت باكتەريالار دەگەنىمىز نە؟ 4. تۋبەركۋلەز اۋرۋىن تۋدىراتىن باكتەريانى كىم انىقتادى؟ 5. گومموز قانداي اۋرۋ؟ 6. اۋانىڭ قۇرامىنداعى ازوتتى ءسىڭىرىپ تابيعي تۇزدار تۇزەتىن باكتەريالار قالاي اتالادى؟ 7. وبا اۋرۋىنىڭ باكتەرياسى توپىراقتا قانشا كۇنگە دەيىن ساقتالادى؟ 8. باكتەري تۋعىزاتىن اۋرۋلاردى اتا. 9. قاي ەلدە ازوللا سيانوباكتەرياسىنىڭ كومەگىمەن كۇرىشتەن مول ءونىم الادى؟

قىزىعۋشىلىقتى وياتۋ.
ساباقتىڭ تاقىرىبى مەن ماقساتى ءتۇسىندىرىلىپ وقۋشىلارعا پروبلەمالىق سۇراق قويادى. 1. سۋرەتتەن نە بايقادىق؟ 2. بۇل قانداي پاتشالىق؟

ماعىنانى تانۋ ساتىسى.
عالامشاردا وتە ەرتەدە پايدا بولعان يادرولى اعزالار - ساڭىراۋقۇلاقتار دەپ اتالادى. 100 000 استام ءتۇرى بەلگىلى. ساڭىراۋقۇلاقتى زەرتتەيتىن عىلىم ميكولوگيا دەپ اتالادى. بەينەروليك كورسەتۋ. سلايدتار ارقىلى تۇسىنىك بەرۋ.

جيگسو وقۋشىلار 4 ادامدىق شاعىن توپتا بەرىلگەن نومەر بويىنشا ءماتىندى ءبولىپ وقيدى. №1 ساڭىراۋقۇلاق اعزاسىنىڭ ەرەكشەلىكتەرى.
№2 ساڭىراۋقۇلاق جاسۋشاسىنىڭ قۇرىلىسى. №3 كوبەيۋى. №4 ءبىرجاسۋشالى ساڭىراۋقۇلاقتار. باستاپقى توپتا وتىرىپ ماتىننەن وزىنە تيەسىلى اقپاراتپەن تانىسادى. ساراپشىلار توبىنا جيناقتالادى. قيىن جەرلەرىن تالقىلاپ ءبىر بىرىنە تۇسىندىرەدى.(تەرمين سوزدەر كەستەسىن جاسايدى، ءماتىن بويىنشا سىزبا جاسايدى، كلاستەر قۇراستىرادى، اسسوسياسيا جاسادى ت. ب). ساراپشىلار باستاپقى توپقا قايتا ورالىپ وزگە وقۋشىلارعا بىلگەندەرىن ۇيرەتەدى، №1 دەن باستايدى.

وي تولعانىس ساتىسى.

«كەلىسەمىن، كەلىسپەيمىن» تۇجىرىمدامالاردى سۇرىپتاۋ.
*اشىتقى ساڭىراۋقۇلاعىنىڭ قۇرىلىسى كۇردەلى.
*سپورا ساڭىراۋقۇلاقتىڭ تارالۋىن قامتاماسىز ەتەدى.
*سپورا ساڭ قورعانىشتىق قىزمەتىن اتقارادى.
*سپورا تۇزىلەتىن ورىن سپورانگي دەپ اتالادى.
*اشىتقى ساڭىراۋقۇلاعى بۇرشىكتەنۋ ارقىلى كوبەيەدى.
*اشىتقى ساڭ قانتتى سپيرت پەن كومىرقىشقىل گازىنا اينالدىرادى.
*كونيديا سپورانىڭ ءبىر ءتۇرى.
*ساڭىراۋقۇلاقتىڭ قور زاتى كراحمالدا جيناقتالعان.

«سىڭارىن تاپ»

ساڭىراۋقۇلاق -
گليكوگەن -
ميكولوگيا -
زووسپورا -
سپورا -
سپورانگي -
كونيديا -
اشىتقى ساڭىراۋقۇلاق -
ساڭىراۋقۇلاقتار پاتشالىعى -

باعالاۋ.
جەكە باعالاۋ پاراعىن تولتىراپ بالدى باعاعا اينالدىرادى.
ۇيگە تاپسىرما بەرۋ: 58 ساباق. اشىتقىمەن قامىر دايىنداعاندا نانىڭ كوتەرىلۋىن باقىلاۋ.

رەفلەكسيا.
تولىق نۇسقاسىن جۇكتەۋ