ارمەنيادا بۇرىنعى جوعارى لاۋازىمدى تۇلعالارعا قاتىستى قىلمىستىق ىستەر تولقىنى جالعاسۋدا. ەلدىڭ ءۇشىنشى پرەزيدەنتى سەرج سارگسيان سىبايلاس جەمقورلىققا قارسى كوميتەتكە شاقىرتىلىپ، وعان ايىپ تاعىلدى، دەپ حابارلايدى infohub.kz.
تاسس مالىمەتىنشە، سارگسيان كوميتەتكە وپپوزيسيالىق «ارمەنيا» بلوگىنىڭ جەتەكشىسى، ەكس-پرەزيدەنت روبەرت كوچاريان ۇستالعاننان كەيىن كەلدى. ونىڭ قانداي ءىس بويىنشا شاقىرتىلعانىن سۇراعاندا، سارگسيان: «بىلمەيمىن»، — دەپ جاۋاپ بەردى.
News.am جازعانداي، ءبىر كۇن بۇرىن پرەمەر-مينيستر نيكول پاشينيان قۇقىق قورعاۋ ورگاندارىنا ەكىنشى پرەزيدەنت روبەرت كوچاريان مەن ءۇشىنشى پرەزيدەنت سەرج سارگسياننىڭ مۇلكىن تاركىلەۋدى تاپسىرعان ەدى. بۇگىن سىبايلاس جەمقورلىققا قارسى كوميتەتتە باسىلىمعا سارگسيانعا «لاۋازىمدى تۇلعانىڭ بيلىك نەمەسە قىزمەتتىك وكىلەتتىكتەرىن نە ولارعا بايلانىستى ىقپالىن اسىرا پايدالانۋى، نە وكىلەتتىكتەرىنەن اسىپ كەتۋى» بابى بويىنشا ايىپ تاعىلعانىن حابارلادى.
وسىلايشا، تاعى توعىز ادامعا قاتىستى قىلمىستىق قۋدالاۋ باستالدى، ولاردىڭ اراسىندا ەكىنشى پرەزيدەنتتىڭ ۇلى سەدراك كوچاريان، ەكس-پرەمەر-مينيستر اندرانيك مارگاريان، ەرەۆاننىڭ بۇرىنعى مەرى گاگيك بەگلاريان جانە باسقالار بار.
بۇعان دەيىن بۇرىنعى پرەزيدەنت روبەرت كوچاريان ۇستالىپ، سىبايلاس جەمقورلىققا قارسى كوميتەتكە جەتكىزىلگەنى حابارلانعان ەدى. ونىڭ ۇستالعانىن ساياساتكەردىڭ وكىلدەرى راستادى. كەيىن كوميتەتتە كوچاريان مەن ونىڭ ۇلى ۇستالعانى راستالدى. ولار مەملەكەتتىك م ۇلىكتى يەمدەنۋ جانە ەرەكشە ءىرى كولەمدە پارا الۋ سياقتى سىبايلاس جەمقورلىق قىلمىستارىنا كۇدىكتى دەپ تانىلدى.