يسپاندىق مامان سەردجي التيسەنت «سەمەي» فۋتزال كلۋبىنىڭ باس باپكەرى بولىپ بەكىتىلدى، دەپ حابارلايدى infohub.kz.
33 جاستاعى باپكەر كومانداعا 2025 جىلدىڭ قىركۇيەگىندە قوسىلىپ، ناۋرىز ايىندا باس باپكەرلىك قىزمەتتەن كەتكەن اسلان سماكوۆتىڭ شتابىندا جۇمىس ىستەگەن. سماكوۆ كەتكەننەن كەيىن التيسەنت باس باپكەر مىندەتىن اتقارۋشى بولىپ، ەندى رەسمي تۇردە وسى لاۋازىمعا بەكىتىلدى. يسپاندىقپەن كەلىسىمشارت 2026/27 ماۋسىمىنىڭ سوڭىنا دەيىن جاسالدى.
«سەردجيگە جاڭا قىزمەتىندە تابىس، العا قويعان ماقساتتارعا جەتۋ جانە „سەمەي“ فۋتزال كلۋبىمەن بىرگە جاڭا جەڭىستەرگە جەتۋدى تىلەيمىز!» — دەلىنگەن كلۋبتىڭ مالىمدەمەسىندە.
التيسەنتتىڭ جەتەكشىلىگىمەن سەمەيلىكتەر وتكەن ماۋسىمدا قازاقستان چەمپيوناتىنىڭ فينالىنا جەتىپ، وندا الماتىلىق «قايراتتان» ۇتىلدى. بۇعان دەيىن مامان ءۇش جىل بويى يسپاندىق «بارسەلونانىڭ» رەزەرۆتىك كومانداسىن باسقارىپ، جاس ويىنشىلاردى دايىنداۋمەن اينالىسقان.
سونداي-اق كلۋب 28 شىلدەدەن باستاپ رەسمي سايتتا جاڭا ماۋسىمعا ابونەمەنتتەر ساتىلىمى باستالعانىن حابارلادى. ابونەمەنتتەر پلەي-وففتى قوسپاعاندا، ۇلتتىق بىرىنشىلىكتىڭ بارلىق ءۇي ماچتارىنا قولدانىلادى. چەمپيوندار ليگاسىنىڭ ويىندارى ابونەمەنتتىك باعدارلاماعا كىرمەيدى. ءۇش سانات قولجەتىمدى: Fan — 16 000 تەڭگە، Comfort — 40 000 تەڭگە، Elite — 60 000 تەڭگە.