كولۋمبيالىق ءانشى شاكيرا الەۋمەتتىك جەلىلەردە 1997 جىلعى اتاقتى فوتوسۋرەتىنىڭ جاڭارتىلعان نۇسقاسىن جاريالاپ، كوپشىلىكتىڭ نازارىن تاعى دا وزىنە اۋداردى. بۇل سۋرەت بۇرىن ينتەرنەت-مەمگە اينالعان ەدى. جاڭا تۇسىرىلىمدە ءانشى پرينتەردىڭ قاسىنداعى جۇمىس ۇستەلىندە وتىرىپ، وتكەن عاسىرداعى سول بەلگىلى قالپىن قايتالاعان، دەپ حابارلايدى infohub.kz سايتى.
ءتۇپنۇسقا ارحيۆتىك كادر 1997 جىلدىڭ ماۋسىمىندا باررانكيليا قالاسىنداعى El Heraldo گازەتىنىڭ رەداكسياسىندا ءفوتوتىلشى وسكار بەرروكال تۇسىرگەن بولاتىن. سول كەزدە Pies Descalzos البومىمەن تانىمال بولعان جيىرما جاسار ءانشى ارنايى فوتوسەسسياعا قاتىسقان. فوتوگراف ودان كومپيۋتەر الدىنا وتىرىپ، جۇمىس ىستەپ جاتقان كەيىپ تانىتۋدى وتىنگەن. كادردىڭ باستى قىزىعى — مونيتوردىڭ ءوشىپ تۇرۋى، ال ءانشىنىڭ قولدارى پەرنەتاقتادا بولعان. كەيىن بۇل سۋرەت جۇمىس ىستەپ جاتقانداي كەيىپ تانىتۋدىڭ ۆيرۋستىق مەمىنە اينالدى.
وسىدان كەيىن ءارتىستىڭ ءوزى دە بۇل سيۋجەتكە ورالدى. جانكۇيەرلەر جاريالانىمدى ۇلكەن قۋانىشپەن قابىلداپ، ءانشىنىڭ تاماشا ءازىلقويلىعىن جانە سول ءساتتىڭ اتموسفەراسىن ءدال قالپىنا كەلتىرە بىلگەنىن اتاپ ءوتتى.