شىعىس قازاقستان وبلىسىنىڭ پوليسەيلەرى الەۋمەتتىك جەلىلەردە تاراعان ءقاۋىپتى ساپارعا قاتىسۋشىلاردى انىقتاپ، جاۋاپكەرشىلىككە تارتتى، دەپ حابارلايدى infohub.kz سايتى.
جاريالانعان كادرلاردا جولاۋشىلاردىڭ قوزعالىستاعى كولىكتەردىڭ تەرەزەلەرىنەن شىعىپ تۇرعانى كورىنەدى.
پوليسيا قىزمەتكەرلەرى جۇرگىزۋشىلەر مەن جولاۋشىلاردىڭ جەكە باسىن انىقتادى.
«جۇرگىزۋشىلەر ادامداردى تاسىمالداۋ ەرەجەلەرىن بۇزعانى، سونىڭ ىشىندە جولاۋشىلاردى كولىك سالونىنان تىس تاسىمالداعانى ءۇشىن اكىمشىلىك جاۋاپكەرشىلىككە تارتىلدى. جولاۋشىلار دا جازاسىز قالمادى. ولار قوزعالىستاعى كولىكتەن دەنە مۇشەلەرىن شىعارعانى ءۇشىن جاۋاپكەرشىلىككە تارتىلدى»، — دەدى پوليسيادا.
ىشكى ىستەر مينيسترلىگىندە مۇنداي «تريۋكتەر» اۋىر زارداپتارعا اكەلىپ، بارلىق قوزعالىس قاتىسۋشىلارى ءۇشىن ءقاۋىپ ءتوندىرۋى مۇمكىن ەكەنىن ەسكە سالدى.
بۇعان دەيىن «كۋرسيۆ» الماتىدا ءبىر توپ جاستىڭ ءال-فارابي داڭعىلىندا ءقاۋىپتى ءجۇرىس ۇيىمداستىرعانىن جازعان بولاتىن: جىگىت پەن قىزدار تولىق جىلدامدىقپەن كولىكتەردىڭ تەرەزەلەرى مەن ليۋكتەرىنەن شىعىپ تۇرعان. ۆيدەو قازنەتتى تولتىردى.