شري-لانكادا دارىگەرلەر 55 جاستاعى ەر ادامنىڭ قۋىعىنان سالماعى 3،1 كەلى (6،8 فۋنت) تاستى الىپ شىقتى. بۇل — قازىرگى ۋاقىتتا تىركەلگەن ەڭ ۇلكەن قۋىق تاسى بولۋى مۇمكىن، دەپ حابارلايدى infohub.kz سايتى.
وپەراسيا وتكەن اپتادا ەلدىڭ شىعىسىنداعى ترينكومالي اۋرۋحاناسىندا جاسالدى. ناۋقاس ينسۋلت العان سوڭ اۋرۋحاناعا جات قىزىلعان ەدى. ەمدەۋ كەزىندە دارىگەرلەر ونىڭ ءزار شىعارۋدا قيىندىقتار كورگەنىن بايقاپ، قۋىعىندا تاستار بار ەكەنىن انىقتادى.
حيرۋرگيالىق وپەراسيا بارىسىندا دارىگەرلەر قۋىق تاسىن الىپ شىقتى — ونىڭ سالماعى تولىققاندى نارەستەنىڭ سالماعىنا تەڭ، ال كولەمى تۇيەقۇس جۇمىرتقاسىنىڭ كولەمىندەي بولدى.
وپەراسيانى باسقارعان دوكتور پراحالاحان بالاكريشناننىڭ ايتۋىنشا، بۇل — قولدا بار دەرەكتەر بويىنشا، قۇجاتتالعان جانە حيرۋرگيالىق جولمەن الىنعان ەڭ ۇلكەن قۋىق تاسى. ول ناۋقاستىڭ دەنساۋلىعى ءقازىر "وتە جاقسى" ەكەنىن قوستى.
ناۋقاس ءالى اۋرۋحانادا جاتىر جانە باسقا دا اۋرۋلارىنا بايلانىستى ەم الۋدى جالعاستىرۋدا. دوكتور بالاكريشنان تاستىڭ ناۋقاستىڭ قۋىعىندا شامامەن 5-10 جىل بولعانىن ايتتى.