شۆەسيادا جەكسەنبىدە وتكەن پارلامەنت سايلاۋىنىڭ الدىن الا قورىتىندىسى بويىنشا بيلەۋشى سولشىل بلوك پەن وڭشىل وپپوزيسيا بلوگى بىردەي داۋىس جينادى. داۋىستاردى ساناۋ ءالى جالعاسىپ جاتقانىن infohub.kz سايتى حابارلايدى.
ارالىق ناتيجەلەرگە قاراعاندا، شۆەسيا دەموكراتتارى پارتياسى 2010 جىلى پارلامەنتكە كىرگەلى بەرى العاش رەت قولداۋدان ايىرىلىپ بارادى. شۆەسيادا وڭشىل ءتورت پارتيا مەن سولشىل ءتورت پارتيادان تۇراتىن ەكى ءىرى ساياسي بلوك بار، سوندىقتان كواليسيالىق جانە ازشىلىق ۇكىمەتتەرى ءجيى قۇرىلادى.
جەكسەنبى كۇنى كەشكە پرەمەر-مينيستر ماگدالەنا اندەرسسون جاقتاستارىن تۇپكىلىكتى ناتيجەنى كۇتۋگە شاقىردى، الايدا قازىرگى ناتيجە ساقتالسا، «شۆەسيادا جاڭا ۇكىمەت بولادى» دەپ قوستى.
ونىڭ پارتياسى — سوسيال-دەموكراتتار — ەكىنشى دۇنيەجۇزىلىك سوعىس اياقتالعاننان بەرى شۆەسيا ساياساتىنداعى باستى كۇش بولىپ كەلەدى.
ال 1980 جىلدارى ناسيستىك كوزقاراستاعى ادامدار قۇرعان شۆەسيا دەموكراتتارى ۇزاق جىلدار بويى وقشاۋلانىپ كەلدى. 2022 جىلى ول قىلمىس پەن يمميگراسيا ماسەلەلەرىن كوتەرىپ، ەلدەگى ەكىنشى ۇلكەن پارتياعا اينالدى.
جەكسەنبىدە داۋىس بەرگەن سوڭ اندەرسسون شۆەسيالىقتاردىڭ الدىنداعى تاڭداۋدى بىلايشا ءتۇسىندىردى: «بىزدە بۇرىن-سوڭدى بولماعان، تولىعىمەن شۆەسيا دەموكراتتارى باقىلايتىن ۇكىمەت بولۋى كەرەك پە؟ الدە مەن باسقاراتىن، شۆەسيانى جاڭا ىنتىماقتاستىق رۋحىندا باعىتتايتىن ۇكىمەت بولۋى كەرەك پە؟»
ءوز كەزەگىندە ۋلف كريستەرسسون ءوزى مەن ونىڭ اليانسى جۇمىسىن جالعاستىرا الۋى ماڭىزدى ەكەنىن ايتتى. ول ءوزىنىڭ تۋعان مۋنيسيپاليتەتى سترەنگنەستە داۋىس بەرگەن سوڭ: «ءبىزدىڭ ماڭىزدى جۇمىسىمىزدى جالعاستىرا الۋىمىزعا شىنايى قۇلشىنىس بار دەپ ويلايمىن»، — دەدى.
سايلاۋ ناۋقانىندا ۇلتتىق قاۋىپسىزدىك، باندالىق قىلمىس جانە الەۋمەتتىك شىعىندار باستى تاقىرىپقا اينالدى.