شىمكەنتتە 2027 جىلعا قاراي بارلىق جەكە ۇيلەر اقىلدى گاز ەسەپتەگىشتەرىمەن جابدىقتالادى، دەپ حابارلايدى infohub.kz سايتى.
Aqyl Energy جوباسى اياسىندا مەگاپوليستە تابيعي گازدى سيفرلىق ەسەپكە الۋعا جاپپاي كوشۋ جالعاسۋدا. «QazaqGaz» ۇك» اق ءباسپاسوز قىزمەتىنىڭ مالىمەتىنشە، جاڭا قۇرىلعىلار تۇتىنىلعان گاز كولەمىن اۆتوماتتى تۇردە تىركەپ، دەرەكتەردى قاشىقتان جىبەرەدى. ەسەپتەگىشتەردى ورناتۋ تۇتىنۋشىلار ءۇشىن تەگىن.
قازىرگى ۋاقىتتا اقىلدى ەسەپتەگىشتەرمەن 80 مىڭعا جۋىق جەكە ءۇي جابدىقتالعان. ماماندار جوبانىڭ ەكىنشى كەزەڭىنە كىرىستى. شىمكەنتتىڭ جەكە سەكتورىن تولىعىمەن سيفرلىق جۇيەگە 2027 جىلعا دەيىن كوشىرۋ جوسپارلانۋدا.
قالا تۇرعىندارى جاڭا جۇيە ەسەپتەۋلەردى اشىق ءارى ءادىل ەتەتىنىن اتاپ وتۋدە. «بۇرىن باقىلاۋشىلار ءۇي-ۇيدى ارالاپ، كورسەتكىشتەردى جازىپ الاتىن، سودان كەيىن بىزگە تولەم كەلەتىن. ەندى ءبىز ءبىر تيىن دا ارتىق نەمەسە كەم تولەمەيمىز»، — دەدى شىمكەنتتىك تۇرعىن وسكەنباي سەگىزباي.
قالادا اقىلدى ەسەپتەگىشتەردى ورناتۋ 2025 جىلدىڭ ماۋسىمىندا باستالدى. كەيىن جوبا تۇركىستان جانە قىزىلوردا وبلىستارىنا تاراتىلدى. بولاشاقتا QazaqGaz ەلدىڭ باسقا وڭىرلەرىندە دە سيفرلىق ەسەپكە الۋدى ەنگىزۋدى جوسپارلاپ وتىر. جالپى قازاقستان بويىنشا 1،35 ملن اقىلدى گاز ەسەپتەگىشىن ورناتۋ جوسپارلانعان.