شىمكەنت اۋەجايىندا ماس جولاۋشى ءوز جۇگىندە جارىلعىش قۇرىلعى بار دەپ مالىمدەپ، رەيستەن ءتۇسىرىلىپ، بەس تاۋلىككە اكىمشىلىك قاماۋعا الىندى، دەپ حابارلايدى infohub.kz سايتى.
NUR.KZء-تىڭ Polisia.kz-كە سىلتەمە جاساپ حابارلاۋىنشا، وقيعا شىمكەنت — استانا رەيسىنە تىركەلۋ كەزىندە بولعان. ىشىمدىك ىشكەن ەر ادام جۇگىندە «جارىلعىش قۇرىلعى» بار ەكەنىن ايتقان.
اۋەكومپانيا وكىلدەرى جولاۋشىنى دەرەۋ رەيستەن ءتۇسىرىپ، كولىكتەگى پوليسيا ءبولىمىنىڭ قىزمەتكەرلەرىنە تاپسىردى. تەكسەرۋ بارىسىندا كولىك پوليسەيلەرى اقپاراتتىڭ راستالماعانىن انىقتادى — ەشقانداي جارىلعىش قۇرىلعى تابىلعان جوق. اۋەجايدا ەۆاكۋاسيا جۇرگىزىلگەن جوق.
تەكسەرۋ قورىتىندىسى بويىنشا ەر ادام قوعامدىق ورىندا ماس كۇيىندە ءجۇرۋ جانە ۇساق بۇزاقىلىق جاساعانى ءۇشىن جاۋاپكەرشىلىككە تارتىلدى. سوت شەشىمىمەن وعان 5 تاۋلىك اكىمشىلىك قاماۋ تاعايىندالدى.
«اۋەجايلار مەن كولىك نىساندارىندا جارىلعىش قۇرىلعىلار مەن وزگە دە قاۋىپسىزدىككە تونەتىن قاتەرلەر تۋرالى ازىلدەسۋ — ازىلدەسۋگە نەگىز ەمەس. ادام زيان كەلتىرۋدى ويلاماعان بولسا دا، مۇنداي مالىمدەمەنى «ازىلگە» ايتسا دا، ونداي سوزدەر زاڭدا بەلگىلەنگەن تارتىپپەن قارالىپ، جاۋاپكەرشىلىككە اكەپ سوعادى»، — دەلىنگەن حابارلامادا.