شىمكەنتتە تۇتىنۋشى TikTok الەۋمەتتىك جەلىسى ارقىلى ساتىپ الىنعان بالالار بەسىگى مەن «بەسىك جاساۋى» جيناعى ءۇشىن 125 مىڭ تەڭگەنى قايتارىپ الدى، دەپ حابارلايدى infohub.kz سايتى.
قازاقستان رەسپۋبليكاسى ساۋدا جانە ينتەگراسيا مينيسترلىگىنىڭ تۇتىنۋشىلار قۇقىعىن قورعاۋ كوميتەتىنىڭ رەسمي سايتىندا ءمالىم بولعانداي، تاۋار جەتكىزىلىپ، ونى قاراپ شىققاننان كەيىن ساتىپ الۋشى جيناقتىڭ مالىمدەلگەن تالاپتار مەن سيپاتتامالارعا ساي كەلمەيتىنىن انىقتادى.
تاۋار پايدالانىلماعان: ونىڭ سىرتقى ءتۇرى، قاپتاماسى جانە زاتتاڭبالارى ساقتالعان. وسىعان بايلانىستى تۇتىنۋشى ساتۋشىعا جاعدايدى رەتتەۋدى جانە تولەنگەن اقشانى قايتارۋدى تالاپ ەتىپ جۇگىندى. الايدا ساتۋشى اقشانى قايتارمادى.
ءوزىنىڭ زاڭدى قۇقىقتارى مەن مۇددەلەرىن قورعاۋ ءۇشىن تۇتىنۋشى شىمكەنت قالاسى بويىنشا ساۋدا جانە تۇتىنۋشىلار قۇقىعىن قورعاۋ دەپارتامەنتىنە جۇگىندى.
ماماندار تۇتىنۋشىعا تۇتىنۋشىلار قۇقىعىن قورعاۋ سالاسىنداعى زاڭناما تالاپتارىن ءتۇسىندىرىپ، ساتۋشىعا شاعىم دايىنداۋعا كومەك كورسەتتى.
شاعىم جىبەرىلگەننەن كەيىن تۇتىنۋشىنىڭ تالاپتارى قاناعاتتاندىرىلدى. «بەسىك جاساۋى» جيناعى ءۇشىن تولەنگەن 125 مىڭ تەڭگە تولىق كولەمدە قايتارىلدى.