شىمكەنتتە بۇرىنعى «سىرا پاتشاسى» ءارى ەكس-وليگارح توقتار تولەشوۆكە تيەسىلى جەكە ءۇي مەن جەر تەلىمى اۋكسيونعا قويىلدى، دەپ حابارلايدى infohub.kz.
ق ر ەلەكتروندى ساۋدا پورتالىنىڭ دەرەگىنشە، لوتتىڭ باستاپقى باعاسى — 240 195 000 تەڭگە، الايدا وبەكتىنى ساتۋعا دايىن ەڭ تومەنگى باعا — 40 ملن تەڭگە. قۇجاتتاردا اۋماقتىڭ مەنشىك يەسى تولەشوۆ توقتار ءجۇسىپ ۇلى ەكەنى كورسەتىلگەن. م ۇلىكتى جارعىلىق كاپيتالعا ەنگىزۋ شارتىندا «شىمكەنتپيۆو» ج ش س جانە «دارحان Group» ج ش س دە اتالادى.
لوتتى «دارحان Group» ج ش س ورنالاستىرعان. جەر تەلىمىنىڭ اۋدانى — 0،0644 گا، اۋماقتا ەكى تۇرعىن عيمارات جانە قورا بار. ساۋدا-ساتتىق گوللانديالىق ادىسپەن (باعانى تومەندەتۋ ارقىلى) وتەدى. اۋكسيون 27 تامىزدا ساعات 10:00-دە باستالادى.
ەسكە سالايىق، توقتار تولەشوۆ 2016 جىلى قاتاڭ رەجيمدەگى كولونيادا 21 جىلعا باس بوستاندىعىنان ايىرىلعان، سونداي-اق كوممەرسيالىق جانە قوعامدىق ۇيىمداردا باسشىلىق قىزمەتتەردى اتقارۋ قۇقىعىنان ءومىر بويى ايىرىلعان. ول مەملەكەتتىك توڭكەرىس جاساۋعا ارەكەتتەنۋ، ازاپتاۋ، كىسى ءولتىرۋ — بارلىعى 18 قىلمىس جاسادى دەپ ايىپتالعان. تولەشوۆ 2016 جىلدىڭ قاڭتار ايىنىڭ سوڭىندا شىمكەنتتە ارنايى وپەراسيا كەزىندە ۇستالعان.