قاراعاندى وبلىسىندا كادرلىق وزگەرىستەر بولدى: ەرمەك الپىسوۆ اكىم ورىنباسارى قىزمەتىنەن بوساتىلىپ، ونىڭ ورنىنا شىڭعىس سۇيىنبايەۆ تاعايىندالدى، دەپ حابارلايدى infohub.kz.
اكىمدىك ءباسپاسوز قىزمەتىنىڭ مالىمەتىنشە، الپىسوۆ باسقا جۇمىسقا اۋىسۋىنا بايلانىستى قىزمەتىن توقتاتقان. جاڭا ورىنباسار ق ر پرەزيدەنتى اكىمشىلىگىمەن كەلىسىلگەننەن كەيىن تاعايىندالدى.
وبلىس اكىمى ەرماعانبەت بولەكپايەۆ سۇيىنباەۆتىڭ تاجىريبەلىك ءبىلىمى مەن كاسىبي داعدىلارى جاڭا قىزمەتتە ءوز الەۋەتىن تولىق جۇزەگە اسىرۋعا كومەكتەسەتىنىنە سەنىم ءبىلدىردى.
شىڭعىس سۇيىنبايەۆ ەڭبەك جولىن «قازينمەتر» رمك جانىنداعى «قازاقستاندىق تەكسەرۋ قىزمەتى» الماتى فيليالىندا ءبىرىنشى ساناتتى مامان بولىپ باستاپ، كەيىن تەكسەرۋ زەرتحاناسىنىڭ مەڭگەرۋشىسى بولدى.
ءار جىلدارى ول ق ر يندۋستريا جانە ينفراقۇرىلىمدىق دامۋ مينيسترلىگىنىڭ تەحنيكالىق رەتتەۋ جانە مەترولوگيا كوميتەتىندە، كەيىن ق ر ساۋدا جانە ينتەگراسيا مينيسترلىگىنىڭ تۇتىنۋشىلار قۇقىعىن قورعاۋ كوميتەتىندە باسشىلىق قىزمەتتەر اتقاردى.
2022–2023 جىلدارى ق ر يندۋستريا جانە ينفراقۇرىلىمدىق دامۋ مينيسترلىگىنىڭ يندۋستريالىق دامۋ كوميتەتى ءتوراعاسىنىڭ ورىنباسارى بولىپ جۇمىس ىستەدى. 2023 جىلدىڭ قاراشاسىنان وسى تاعايىنداۋعا دەيىن ق ر ونەركاسىپ جانە قۇرىلىس مينيسترلىگىنىڭ ونەركاسىپ كوميتەتى ءتوراعاسىنىڭ ورىنباسارى قىزمەتىن اتقاردى.