ەلگە بەلگىلى عارىشكەر توقتار اۋباكىروۆتىڭ ەكس-پرەزيدەنت نۇرسۇلتان نازارباەۆپەن ارادا بولعان شيەلەنىستى ساتتەرى تۋرالى ايتقانى جۇرتشىلىقتىڭ نازارىن اۋداردى. ول بايقوڭىر عارىش ايلاعىن رەسەيگە جالعا بەرۋ تۋرالى شەشىمگە قارسى شىعىپ، ءتىپتى نازارباەۆپەن ءسوز تالاستىرعانىن جاسىرمادى.
بۇل تۋرالى Infohub.kz اقپارات اگەنتتىگى حابارلايدى.
نازارباەۆپەن بولعان اششى ديالوگ
اۋباكىروۆتىڭ ايتۋىنشا، بۇل وقيعا كرەملدەن ۇشاقپەن ۇشىپ كەلە جاتقاندا بولعان. ول نازارباەۆقا تىكەلەي "ەندى قول استىڭدا جۇمىس ىستەمەيمىن" دەپ مالىمدەگەن. پرەزيدەنت ونى جانىنا شاقىرىپ، سويلەسۋگە تىرىسقاندا، عارىشكەر: "مەن سىزبەن ەشتەڭە ىشپەيمىن، ءسىز قازاقتىڭ جاۋىسىز" دەپ اشىنا ايتقان.
نازاربايەۆ بۇعان جاۋاپ رەتىندە اۋباكىروۆتىڭ جاستىعىنا، ساياساتتان حابارى جوقتىعىنا سىلتەپ، ونى "جاس بالا" دەپ اتاعان. الايدا، توقتار اۋباكىروۆ ءوز شەشىمىنەن تانباي، "مەنى بوساتىڭىز، مەن ەندى جۇمىسقا بارمايمىن" دەپ قايتا تالاپ ەتكەن.