قازاقستاننىڭ ونەركاسىپ مينيسترلىگى اۆاريالىق تۇرعىن ءۇيدى رەنوۆاسيالاۋ باعدارلاماسىنا تۇسىنىكتەمە بەردى. بۇل باعدارلاما ازاماتتار اراسىندا نارازىلىق تۋدىرعان ەدى. ۇكىمەتتەگى بريفينگتە قۇرىلىس ىستەرى كوميتەتىنىڭ ءتوراعاسى باقىتجان جۇنىسبەكوۆ ەسكى ۇيلەردى بۇزۋ جانە اۋىستىرۋ تەتىگىن ءتۇسىندىردى، دەپ حابارلايدى infohub.kz سايتى.
جۇنىسبەكوۆتىڭ ايتۋىنشا، باعدارلامانى وبلىس اكىمدىكتەرى جۇزەگە اسىرادى، ونىڭ باستى شارتى — بارلىق تۇرعىنداردىڭ مىندەتتى كەلىسىمى. «بارلىق تۇرعىندار كەلىسپەگەنشە، بۇل ءۇي بۇزىلمايدى»، — دەپ اتاپ ءوتتى ول. ايىرباستاۋ ءپرينسيپى — «بولمەگە بولمە»: اۆاريالىق تۇرعىن ءۇي يەلەرى بالامالى جاڭا بولمە الادى.
شەنەۋنىك كەيبىر وڭىرلەردە اۋدان بويىنشا ايىرباستاۋ مۇمكىن ەكەنىن، ءبىراق بۇل تەك مەنشىك يەلەرىنىڭ كەلىسىمىمەن عانا بولاتىنىن مويىندادى. سونداي-اق ول قازاقستان كونستيتۋسياسى بويىنشا مەنشىككە قول سۇعىلمايتىنىن، سوندىقتان ءاربىر يەسىنىڭ كەلىسىمى مىندەتتى ەكەنىن ەسكە سالدى. مەنشىك يەسى ءوز ءۇيىن نە ساتۋعا، نە وزىنە قولايلى نۇسقاعا ايىرباستاۋعا قۇقىلى، جانە بارلىق تۇرعىندار بۇزۋعا كەلىسۋى ءتيىس.