قازاقستاندىق سەمسەرلەسۋشىلەر گونكونگتاعى الەم چەمپيوناتىندا جەكە سىندا جوعارى ناتيجە كورسەتە المادى. سوفيا اكتاەۆا راپيرادان 49-ورىن، ال ارتەم ساركيسيان سابليادان 51-ورىنعا يە بولدى، دەپ حابارلايدى infohub.kz.
اكتاەۆا قازاقستاندىق راپيراشىلار اراسىندا الدىن الا كەزدەسۋلەردە عانا ءساتتى ونەر كورسەتتى. الايدا 1/32 فينالدا كوماندا كوشباسشىسى امەريكالىق دجوزەفينا كونۆەيدەن 10:15 ەسەبىمەن جەڭىلىپ، قورىتىندى 49-ورىنعا تۇراقتادى.
سول اينالىمدا قازاقستاندىق سابلياشىلار دا ساتسىزدىككە ۇشىرادى. ارتەم ساركيسيان قىتايلىق چجەنپەن شەنگە 8:15 ەسەبىمەن ۇتىلدى، كۋانىش ەرگاشباي وتانداسى جەنحاو ۆەيدەن 7:15 ەسەبىمەن جەڭىلدى، ال نازارباي ساتتارحان پاريج-2024 وليمپياداسىنا قاتىسقان وڭتۇستىك كورەيا قۇراماسىنىڭ مۇشەسى دو گەن دوننان 9:15 ەسەبىمەن قاپى قالدى. قورىتىندى ەسەپ بويىنشا ساركيسيان 51-ورىن، ەرگاشباي 53-ورىن، ساتتارحان 56-ورىن الدى.
راپيراشىلار مەن سابلياشىلاردىڭ جەكە سىنىنداعى جۇلدەگەرلەر بۇگىن كەشكە بەلگىلى بولادى. وسى قارۋ تۇرلەرى بويىنشا كوماندالىق جارىستار 30 شىلدەدە، گونكونگتاعى ءتۋرنيردىڭ سوڭعى كۇنى وتەدى.
سەمسەرلەسۋدەن الەم چەمپيوناتى 71ء-شى رەت وتۋدە. العاشقى الەمدىك دودا 1921 جىلى ۇيىمداستىرىلدى. تۋرنيردە 12 جۇلدەلەر جيىنتىعى ويناتىلادى. العاشقى جۇلدەگەرلەر 25 شىلدەدە، ەكىنشى جيىنتىق كەشە انىقتالدى. 2026 جىلعى الەم چەمپيوناتىنىڭ جۇلدە قورى 1،02 ميلليون دوللاردى قۇرايدى.
قازاقستان قۇراماسىنىڭ ءتىزىمى سايتتا قولجەتىمدى.