قازاقستان سىرتقى ىستەر مينيسترلىگى سولتۇستىك كيپردەگى وقيعا كەزىندە زارداپ شەككەن ايەلدىڭ قىرعىزستان ازاماتى ەكەنىن انىقتادى، دەپ حابارلايدى infohub.kz.
دەرەكتەردى ناقتىلاۋ بارىسىندا زارداپ شەككەن ايەلدىڭ قازاقستاندا تۋعانى، ءبىراق قىرعىز رەسپۋبليكاسىنىڭ ازاماتتىعىن العانى بەلگىلى بولدى. بۇل تۋرالى ق ر ءسىم رەسمي مالىمدەدى.
بۇعان دەيىن جەلىدە 22 جاستاعى جانەركە ابدرازاكوۆا ەسىمدى قىز نيكوسياداعى Metropol Market سۋپەرماركەتىندە قارۋلى شابۋىلدان كەيىن وتە اۋىر جاعدايدا جاتقانى تۋرالى اقپارات تاراعان ەدى. جەرگىلىكتى پوليسيانىڭ مالىمەتىنشە، 3 تامىزدا ساعات 11:45 شاماسىندا بەلگىسىز بىرەۋ ەشقانداي سەبەپسىز وعان پىشاقپەن شابۋىل جاساپ، كەيىن وزىنە دە جاراقات سالعان. ەكەۋى دە مەملەكەتتىك اۋرۋحاناعا جەتكىزىلىپ، دارىگەرلەردىڭ باقىلاۋىندا جاتىر.
قازاقستان سىم-دە بۇل وقيعاعا تۇسىنىكتەمە بەردى: ديپلوماتتار بولعان وقيعانىڭ ءمان-جايىن انىقتاپ، جەرگىلىكتى قۇزىرلى ورگاندارمەن بايلانىستا. سىرتقى ساياسي ۆەدومستۆو ماسەلەنى ءوز باقىلاۋىنا الدى.