قازاقستاندىق تەننيسشى سونيا جيەنباەۆا حالىقارالىق ارەناداعى ونەرىمەن تاڭ قالدىرۋدى جالعاستىرۋدا. 20 جاستاعى سپورتشى World Tennis Tour تۋرنيرلەرىندە قاتارىنان ەكىنشى رەت چەمپيون اتاندى، دەپ حابارلايدى infohub.kz.
بۇل جولى جيەنباەۆا يسپانيانىڭ ۆيگو قالاسىندا وتكەن W35 ساناتىنداعى جارىستا جەڭىسكە جەتتى. الەمدىك رەيتينگتە 450-ورىندا تۇرعان قازاقستاندىق فينالدا WTA رەيتينگىنىڭ 332-ساتىسىنداعى جۇڭگو وكىلى يۋفەي رەنمەن كەزدەستى.
ماچ جيەنباەۆانىڭ ەكى سەتتەگى جەڭىسىمەن اياقتالدى — 7:6 (8:6)، 7:5. تەننيسشىلەر كورتتا 1 ساعات 46 مينۋت وتكىزدى.
بۇل جيەنباەۆانىڭ World Tennis Tour تۋرنيرلەرىندەگى قاتارىنان ەكىنشى جەڭىسى. ءبىر اپتا بۇرىن ول يسپانيانىڭ ورەنسە قالاسىنداعى W75 ساناتىنداعى جارىستا فينالدا بولگاريالىق يزابەللا شينيكوۆانى جەڭگەن ەدى.
وسىلايشا، جيەنباەۆا يسپانياداعى ەكى اپتا ىشىندە قاتارىنان ەكى تيتۋلدى — ورەنسەدەگى W75 جانە ۆيگوداعى W35 — يەلەنىپ، كاسىبي دەڭگەيدەگى ءساتتى سەرياسىن جالعاستىردى.