الماتى تاۋلارىنا شىققان ەكى ءجاسوسپىرىم بەلگىلەنگەن ۋاقىتتا حابارلاسپاعان. قۇتقارۋشىلار ولاردى ايۋساي شاتقالىنان تاۋىپ، اتا-انالارىنا تاپسىردى، دەپ حابارلايدى infohub.kz.
وقيعا الماتىنىڭ بوستاندىق اۋدانىندا، ۇلكەن الماتى شىڭى ماڭىندا، تەڭىز دەڭگەيىنەن شامامەن 3680 مەتر بيىكتىكتە بولعان. جاسوسپىرىمدەر ۋاعدالاسقان ۋاقىتتا ۇيگە ورالماعان سوڭ، قۇتقارۋشىلارعا حابار تۇسكەن.
انىقتالعانداي، تۇندە جاسوسپىرىمدەر تاۋعا شىعىپ، سول كۇنى قايتۋدى جوسپارلاعان. الايدا بەلگىلەنگەن ۋاقىتتا ولار كورىنبەگەن، بايلانىس بولماعان، گەولوكاسيا دەرەكتەرىن الۋ مۇمكىن بولماعان.
تجم ءباسپاسوز قىزمەتى: "مونيتورينگ جانە جەدەل ارەكەت ەتۋ ورتالىعىنىڭ قۇتقارۋشىلارى دەرەۋ ىزدەستىرۋ-قۇتقارۋ جۇمىستارىنا كىرىستى. ىزدەۋ بارىسىندا جاسوسپىرىمدەر ايۋساي شاتقالىنان تابىلدى"، — دەپ مالىمدەدى.
ماماندار ولاردى تاۋلى ايماقتان الىپ شىعىپ، اتا-انالارىنا تاپسىردى. مەديسينالىق كومەك قاجەت بولمادى.
ۆەدومستۆو ەسكەرتەدى: "تاۋعا شىعار الدىندا مارشرۋتتى الدىن الا زەرتتەپ، اۋا رايى مەن جەر بەدەرىنىڭ كۇردەلىلىگىن ەسكەرىڭىز. جاقىندارىڭىزعا مارشرۋت پەن قايتۋ ۋاقىتىن حابارلاڭىز، تەلەفوندى زاريادتاپ الىڭىز جانە جالعىز تاۋعا شىقپاڭىز. توتەنشە جاعدايدا 112 نومىرىنە قوڭىراۋ شالىڭىز".