سترەسسسىز ءومىر ءسۇرۋ مۇمكىن بە؟

تاقىرىبى: ”سترەسسسىز ءومىر ءسۇرۋ مۇمكىن بە؟”
ترەنينگ ماقساتى: پەداگوگتارمەن جانە جۇمىسشىلارمەن ترەنينگ وتكىزە وتىرىپ، سترەسستىڭ ادام ومىرىنە زيانى تۋرالى كەڭەستەر بەرۋ. الدىن - الۋ جۇمىستارى جونىندە اڭگىمەلەۋ. تۇلعانىڭ سترەسسكە توزىمدىلىگىن قالىپتاستىرۋ.
1. سترەسس دەگەنىمىز نە؟
2. سترەسستى انىقتاۋ.
3. سترەسس تۋعىزۋعا اسەر ەتەتىن فاكتورلار نەگىزدەرى.
4. ءسىز قانداي تۇلعاسىز؟
5. مەندەگى 10 قۇندىلىق.
6. عاجايىپ اعاش.
7. ادام سۋرەتى (ينتەرپرەتاسيا جاساۋ)
8. تەست: “ءسىز سترەسسكە بەيىمسىز بە؟”
9. قورىتىندى.
سترەسس - ءبىزدىڭ زامانىمىزدىڭ جاعىمسىز بەلگىلەرىنىڭ ءبىر ءتۇرى. كۇندەلىكتى شەكتەن تىس جۇكتەمەلەر ءبىزدىڭ جۇيكەمىزدى شارشاتادى، قوزعىش قىلدىرادى.
كۇندەلىكتى وسىنداي قوزدىرعىشتارمەن قالاي كۇرەسىپ ءجۇرمىز؟ سىندارلى كەزدە ءوز - ءوزىمىزدى باسقارا الامىز با؟ ودان قۇتىلۋدىڭ قاجەتى جوق، ءتىپتى ونىمەن كۇرەسۋ امالدارىن ءبىلۋ ءۇشىن ارنايى دارىستەرگە بارۋدىڭ قاجەتى جوق. ول ءۇشىن سترەسس دەگەنىمىز نە، جانە ونىمەن قالاي كۇرەسۋ كەرەك سونى انىقتاپ الايىق.
سترەسس قورشاعان ورتانىڭ جاعىمسىز اسەرلەرىنە اعزانىڭ قورعانۋ رەاكسياسى. سترەسس ءبىزدى ۇنەمى قورشاپ جۇرەدى. ول تاڭ اتقاننان، مىسالى: ۇيقى قانباۋى، بالا كيىندىرۋ ت. ت.
سترەسسسىز ءومىر ءسۇرۋ مۇمكىن بە؟
عىلىمنىڭ دالەلى بويىنشا مۇمكىن ەمەس. ءومىر ۇنەمى تۇراقتىلىقپەن تىنىشتىققا شىداي المايدى، سەبەبى وسىلاردىڭ ءوزى سترەسستىڭ كوزى بولىپ تابىلادى. سوندىقتان سترەسستەن ولگەننەن كەيىن عانا تولىق قۇتىلۋعا بولادى.
ءومىردىڭ ءمانى مەن ءسانى، قىزىعى مەن قۋانىشى، ءاربىر كۇن جۇرەگىڭىزگە، ومىرىڭىزگە دەگەن ماحاببات سەزىمىن وياتسىن. ءسىز نۇرلى ءومىردىڭ يەسىسىز! ءار كۇنگە ۇمىتپەن قىزىعا قاراڭىز، قىزىعا وتىرىپ، قۇلشىنا ءومىر ءسۇرىڭىز!
نازارلارىڭىزعا راحمەت!