س ۇلى — بيىكتىگى 1 مەترگە دەيىن جەتەتىن، ءبىر جىلدىق، ءشوپ تەكتەس وسىمدىك. ساباعى ءتۇزۋ، ءىشى قۋىس. سوپاقشا كەلگەن، جىڭىشكە جاپىراقتارى كەزەكتەسىپ، جارىسا ورنالاسقان. گۇلدەرى قوس جىنىستى، مايدا، سارى، ماۋسىم-شىلدە ايلارىندا گۇلدەيدى. مادەني وسىمدىك رەتىندە بارلىق جەرلەردە دە ەگىلەدى. ءدارى جاساۋ ءۇشىن س ۇلىنىڭ ءدانى مەن ساباعىن پايدالانادى. قۇرامىندا كراحمال، ماي، بەلوكتى زاتتار، قانت، ەفير مايلارى، ۆيتاميندەر بار.
حالىق مەديسيناسىندا س ۇلىنىڭ ساباعىنان تەر شىعاراتىن، نەسەپ ايدايتىن، دەنە قىزۋىن تومەندەتەتىن، جەل شىعاراتىن دارىلەر جاساپ پايدالانادى. س ۇلىنىڭ ساباعىنان جاسالعان تۇنبالاردى بۇيرەك اۋرۋىنا بايلانىستى دەنەدە ىسىك پايدا بولعاندا جانە اسقازان اۋرۋلارىن ەمدەۋ ءۇشىن قولدانادى. كىسى ۇيقىسىزدىققا ۇشىراعاندا، وي ەڭبەگىمەن كوپ اينالىسىپ، جۇيكەسى قاجىعاندا س ۇلىدان جاسالعان دارىلەردى پايدالانۋ وتە جاقسى ناتيجەلەر بەرەدى. س ۇلىنىڭ ساباعىنان جاسالعان بۇلاۋ رەۆماتيزم، قۇياڭ جانە تەرى اۋرۋلارىن ەمدەۋ ءۇشىن قولدانىلادى. اياق كوبىرەك تەرلەيتىن بولسا، س ۇلىنىڭ سابانى مەن ەمەننىڭ قابىعىن مايدالاپ ارالاستىرىپ، وسى قوسپادان جاسالعان تۇنبانى اياققا بۇلاۋ جاساۋ ءۇشىن پايدالانادى. بۇيرەككە تاس بايلانعاندا بۇل داقىلدىڭ تۇنابسىن كومپرەسس جاساپ، بۇيرەكتىڭ تۇسىنا باسادى. حالىق مەديسيناسىندا س ۇلىنى ءوت ايدايتىن ءدارى رەتىندە دە پايدالايادى.
ءدارىنى دايىنداۋ جانە قولدانۋ ءتاسىلى
3 ستاكان س ۇلىنى 3 ليتر سۋعا سالىپ جايلاپ قايناتادى. سۇيىقتىڭ اۋەلگى مولشەرىمىڭ 1/4ء-ى قالعاندا ءدارى دايىن بولدى دەپ ەسەپتەلىنەدى. ءار ىشكەندە ەكى ستاكاننان كۇنىنە 3-4 رەت ىشەدى.
س ۇلىنىڭ سابانىنان سۋلى تۇنبانى بىلاي جاسايدى: 100 گرامم مايدالانعان س ۇلىنىڭ سابانىن 2 ليتر سۋعا سالىپ، ءبىراز قايناتادى دا، جارتى ستاكاننان كۇنىنە 4-5 رەت ىشەدى. بۇلاۋ جاساۋ ءۇشىن تۇنبانى بىلاي جاسايدى: 1 كگ س ۇلىنىڭ سابانىن 2 ليتر سۋعا جارتى ساعات قايناتىپ، سابانىن ءسۇزىپ الىپ تاستايدى دا، قايناتىندىسىن ۆانناداعى سۋعا قوسادى.