اتىراۋداعى رەزونانستى قىلمىسقا قاتىستى جاڭا دەرەكتەر پايدا بولدى. سۇلتان سارسەماليەۆتىڭ ءومىرى مەن ونىڭ جوعالعان تۋىستارى تۋرالى مالىمەتتەر جاريالاندى.
بۇل تۋرالى Infohub.kz اقپارات اگەنتتىگى حابارلايدى.
سۇلتان سارسەماليەۆتىڭ قۇپيا ءومىرى
جۋرناليست گۇلميرا ءابىقاي Facebook پاراقشاسىندا سۇلتان سارسەماليەۆتىڭ 29 جاستا ەكەنىن جانە ونىڭ تۇيىق ءومىر سالتىن ۇستانعانىن جازدى. ول كورشىلەرىمەن ارالاسپاي، كوپشىلىك ورتادان وقشاۋ جۇرگەن. كۇدىكتى فوتوعا تۇسپەۋگە تىرىسقان، ءتىپتى ونى تانيتىن ادامداردىڭ وزىندە دە سۋرەتى ساقتالماعان.
جوعالعان تۋىستار
سۇلتاننىڭ ايەلى اقبايان دا الەۋمەتتىك جەلىلەردەگى بارلىق اككاۋنتتارىن ءوشىرىپ تاستاعان. ءجۋرناليستىڭ ايتۋىنشا، بۇل جاعداي يندونەزيانىڭ بالي ارالىنا اپاراتىن ءجىپتىڭ ۇشىن كورسەتەدى. قۇزىرلى ورگاندار سۇلتاننىڭ ويىندا نە بارىن، جوسپارى مەن ماقساتىن انىقتاۋى ءتيىس.
گۇلميرا ءابىقاي: "مەن ايەلى اقبايانعا جانىم اشىپ، جۇرەگىم اۋىرىپ تۇر"، – دەپ جازدى.