تارازدا پوليسيادان قاشىپ قۇتىلماق بولعان جۇرگىزۋشى ۇستالدى. انىقتالعانداي، ەر ادام ماس كۇيىندە كولىككە وتىرعان، دەپ حابارلايدى infohub.kz سايتى.
ءىىم اقپاراتتىق مەدياپورتالىندا جاريالانعان مالىمەتكە سايكەس، پاترۋلدىك پوليسيا قىزمەتكەرلەرى كەزەكشىلىك كەزىندە جول قوزعالىسى ەرەجەسىن بۇزعان Toyota Carina كولىگىن بايقاعان. توقتاۋ تۋرالى زاڭدى تالاپقا تارازدىڭ 33 جاستاعى تۇرعىنى جاۋاپ بەرمەي، قاشىپ قۇتىلماق بولعان. الايدا وعان قۋعىننان قۇتىلۋ مۇمكىن بولمادى — بۇزۋشى ۇستالدى.
تەكسەرۋ بارىسىندا جۇرگىزۋشىنىڭ ماس كۇيىندە بولعانى انىقتالىپ، بۇل مەديسينالىق كۋالاندىرۋ ناتيجەلەرىمەن راستالدى. بۇزۋشىنىڭ ايتۋىنشا، ول جۇبايىمەن ۇرىسىپ، اشۋلانعاندىقتان پوليسەيلەردىڭ تالابىنا باعىنباي، قالانىڭ قوسالقى كوشەلەرىمەن قاشىپ قۇتىلماق بولعان.
جۇرگىزۋشىگە قاتىستى ماس كۇيىندە كولىك جۇرگىزۋ جانە پوليسيا قىزمەتكەرىنىڭ توقتاۋ تۋرالى زاڭدى تالابىن ورىنداماۋ فاكتىلەرى بويىنشا اكىمشىلىك ءىس قوزعالدى. سوت شەشىمىمەن ول 7 جىلعا كولىك جۇرگىزۋ قۇقىعىنان ايىرىلىپ، 15 تاۋلىككە قاماققا الىندى.
كادرلارعا قاراعاندا، جۇرگىزۋشى ءالى توقتاپ ۇلگەرمەگەن كولىكتەن سەكىرىپ ءتۇسىپ، جۇگىرە جونەلگەن. ونىڭ سوڭىنان پوليسەي قۋعان.