تارازدا سوت ەر ادامدى ورتاق بيزنەسكە قاتىسۋدى توقتاتقاننان كەيىن 3،7 ملن تەڭگەدەن استام تولەۋگە مىندەتتەدى. الايدا جاۋاپكەر ءوزىنىڭ جالدامالى جۇمىسشى بولعانىن العا تارتتى، دەپ حابارلايدى infohub.kz سايتى.
جامبىل وبلىسى سوتتارىنىڭ رەسمي Telegram-ارناسىندا حابارلانعانداي، تاراز قالالىق سوتى جاۋاپكەردەن اقشا ءوندىرىپ الۋ تۋرالى جاۋاپكەرشىلىگى شەكتەۋلى سەرىكتەستىكتىڭ (ج ش س) تالاپ ارىزى بويىنشا ازاماتتىق ءىستى قارادى.
2025 جىلدىڭ ساۋىرىندە تاراپتار اۆتوكولىك جوندەۋ سالاسىنداعى بىرلەسكەن قىزمەت تۋرالى شارت جاساستى. تالاپكەر ءۇي-جايدى بەرىپ، جۇمىسقا قاجەتتى قۇرال-جابدىقتاردى جالپى قۇنى 7،7 ملن تەڭگەگە ساتىپ الىپ، تاپسىردى.
جاۋاپكەردىڭ ۇلەسى جۇك كولىكتەرىن جوندەۋ جۇمىستارىن تىكەلەي ورىنداۋ بولدى. قىزمەتتەن تۇسكەن پايدا كەلەسىدەي ءبولىندى: تالاپكەر مەن جاۋاپكەر 40%-دان الدى، ال 20% جابدىقتى جوندەۋگە جانە تەحنيكالىق قىزمەت كورسەتۋگە جۇمسالدى.
الايدا كەيىن جاۋاپكەر ءبىر اي بۇرىن جازباشا حابارلاما جىبەرمەي، جۇمىسقا شىعۋدى توقتاتتى. ج ش س ونى بۇزۋشىلىقتار تۋرالى بىرنەشە رەت ەسكەرتتى، كەيىن شارتتى بۇزۋ تۋرالى حابارلاما جىبەردى. جاۋاپكەر حابارلامالاردى العانىن جوققا شىعارمادى.
سوتقا جۇگىنگەن كومپانيا شارتتا كوزدەلگەندەي، ساتىپ الىنعان م ۇلىك قۇنىنىڭ 50% ءوندىرىپ الۋدى تالاپ ەتتى.
جاۋاپكەر تالاپتى مويىندامادى. ول جاسالعان شارتتى ەڭبەك شارتى دەپ ەسەپتەگەنىن ءتۇسىندىردى. سونىمەن قاتار كەلىسىمگە قول قويعانىن جانە پايدانىڭ 40% العانىن راستادى.
سوت انىقتاعانداي، تاراپتار اراسىندا ەڭبەك شارتى جاسالماعان، الايدا جاۋاپكەر بىرلەسكەن قىزمەتتەن پايدا ۇلەسىن العان. شارتتىڭ بۇزىلۋى جاۋاپكەردىڭ ونىڭ تالاپتارىن ەلەۋلى تۇردە بۇزۋىنان بولدى. بۇل رەتتە تاراپتار باستاپقىدا مۇنداي بۇزۋدىڭ سالدارىن ەرىكتى تۇردە كەلىسكەن: شارتقا سايكەس جاۋاپكەر كومپانيا ساتىپ العان م ۇلىك قۇنىنىڭ 50% جشس-عا تولەۋگە مىندەتتى.
سوت شەشىمىمەن جاۋاپكەردەن ج ش س پايداسىنا 3،7 ملن تەڭگە، سونداي-اق مەملەكەتتىك باج ءوندىرىلدى. شەشىم زاڭدى كۇشىنە ەندى.