2026 جىلدىڭ قاڭتار–تامىز ايلارىندا قازاقستاندىق تەاترلارعا بارۋ ەل تۇرعىندارىنا 2025 جىلدىڭ وسى كەزەڭىمەن سالىستىرعاندا ورتا ەسەپپەن 41،5%-عا قىمباتقا ءتۇستى، دەپ حابارلايدى infohub.kz سايتى.
تامىز ايىنىڭ قورىتىندىسى بويىنشا ەلدەگى جالپى ينفلياسيا 9،8% بولدى، الايدا كەيبىر سالالاردا باعا الدەقايدا قارقىندى ءوستى. تەاتر بيلەتتەرى قىمباتتاۋ بويىنشا كوش باستادى. «تالداۋ» اقپاراتتىق-تالداۋ جۇيەسىنىڭ دەرەگىنشە، 2026 جىلدىڭ تامىزىندا باعا 2025 جىلدىڭ تامىزىمەن سالىستىرعاندا 36،8%-عا جوعارى بولدى. اي ىشىندەگى ەڭ كۇرت سەكىرىس 2026 جىلدىڭ مامىرىندا تىركەلدى — سول كەزدە بيلەتتەر ءبىر ايدا 5،8%-عا قىمباتتادى.
وڭىرلەر بولىنىسىندە تەاتر قىزمەتىنە باعانىڭ ءوسۋى بويىنشا ءسوزسىز كوشباسشى — الماتى: مۇندا قاڭتار–تامىزدا بيلەتتەر ءبىر جىل بۇرىنعىدان ورتا ەسەپپەن 74،1%-عا قىمبات بولدى. ودان كەيىن اقتوبە وبلىسى — ءبىر جىلدا 37،5%، سودان سوڭ پاۆلودار وبلىسى — 30%. استانادا تەاتر بيلەتتەرى 25،7%-عا، شىمكەنتتە 13،3%-عا قىمباتتادى. الماتى وبلىسى بويىنشا دەرەك جوق، ال ءۇش وڭىردە — ۇلىتاۋ، جەتىسۋ جانە اقمولا وبلىسىندا — بيلەت باعاسى ءبىر جىلدا وزگەرگەن جوق.
تەك تەاترلار عانا ەمەس، كينو دا قىمباتتاپ بارادى. ۇلتتىق ستاتيستيكا بيۋروسىنىڭ دەرەگىنشە، كينو بيلەتتەرى تامىز ايىنىڭ قورىتىندىسى بويىنشا ءبىر جىلدا ورتا ەسەپپەن 12،4%-عا قىمباتتادى. بۇعان دەيىن قازاقستاندا ويىن-ساۋىق سالاسىنداعى باعانىڭ جالپى ءوسۋى تۋرالى حابارلانعان بولاتىن.