Apple كورپوراسياسى 1 قىركۇيەكتە باس ديرەكتور قىزمەتىنەن كەتىپ، ديرەكتورلار كەڭەسىنىڭ اتقارۋشى ءتوراعاسى بولعان تيم كۋككە 47 ميلليون دوللار كولەمىندە سىياقى پاكەتىن بەكىتتى. بۇل تۋرالى infohub.kz سايتى حابارلايدى.
Financial Times دەرەگىنشە، سىياقى پاكەتى جالاقى مەن اكسيالار تۇرىندە قالىپتاسقان. كۋكتىڭ جاڭا قىزمەتتەگى جىلدىق جالاقىسى 2 ميلليون دوللاردى قۇراسا، اكسيالار بويىنشا تولەمدەر 45 ميلليون دوللاردى قۇرايدى. الايدا بۇل ونىڭ ءالى باس ديرەكتور قىزمەتىن اتقارعان 2025 جىلعى جالاقىسى مەن اكسيالىق سىياقىسىنان 20 پايىزعا از.
ديرەكتورلار كەڭەسىنىڭ اتقارۋشى ءتوراعاسى لاۋازىمى ارنايى كۋك ءۇشىن قۇرىلعانى اتاپ وتىلەدى. بۇعان دەيىن ونىڭ باس ديرەكتور ورنىنا دجون تەرنۋس كەلەتىنى حابارلانعان بولاتىن.