قوستاناي وبلىسىنداعى توبىل وزەنىندە ىزدەستىرۋ-قۇتقارۋ جۇمىستارى نەچاەۆكا اۋىلىنىڭ ماڭىنان ەر ادام مەن كامەلەتكە تولماعان قىزدىڭ ءمايىتى تابىلۋىمەن اياقتالدى، دەپ حابارلايدى infohub.kz.
ەكى كۇن بويى قوستاناي وبلىسى تجد قىزمەتكەرلەرى ىزدەستىرۋ جۇمىستارىن جۇرگىزدى. ءبىرىنشى كۇنى سۇڭگۋىرلەر كامەلەتكە تولماعان قىزدىڭ ءمايىتىن سۋدان تاۋىپ، شىعاردى. كەلەسى كۇنى ەر ادامدى ىزدەۋ جالعاسىپ، ونىڭ ءمايىتى دە تابىلىپ، جەر بەتىنە كوتەرىلدى.
وپەراسيا بارىسىندا قۇتقارۋشىلار توبىل جاعالاۋىنىڭ شامامەن 2،5 شارشى شاقىرىمىن جاياۋ تەكسەردى. قوسىمشا ۇشقىشسىز ۇشۋ اپپاراتى پايدالانىلىپ، ونىڭ كومەگىمەن 12،05 گەكتار اۋماق قارالدى. سۇڭگۋىرلەر وزەن ءتۇبىنىڭ 39 مىڭ شارشى مەترىن تەكسەردى.
ىزدەستىرۋگە پوليسيا قىزمەتكەرلەرى، جەرگىلىكتى اتقارۋشى ورگانداردىڭ وكىلدەرى، ەرىكتىلەر جانە جەرگىلىكتى تۇرعىندار تارتىلدى. ىزدەستىرۋ-قۇتقارۋ جۇمىستارى اياقتالدى، دەپ حابارلادى تجد.
الەۋمەتتىك جەلىلەردە قايتىس بولعاندار اكە مەن قىز بولعانى ايتىلۋدا.