قازاقستان پرەزيدەنتى قاسىم-جومارت توقايەۆ قارجى مونيتورينگى اگەنتتىگىنىڭ (قمب) ءتوراعاسى جانات ەليمانوۆتى قابىلدادى. ول 140 مىڭ ازاماتتى ەمحانالارعا جالعان تىركەپ، الەۋمەتتىك مەديسينالىق ساقتاندىرۋ قورىنان (امسك) زاڭسىز تولەم الۋ سحەماسىن اشۋ تۋرالى باياندادى، دەپ حابارلايدى infohub.kz.
ەليمانوۆتىڭ ايتۋىنشا، ەلدە 496 قىلمىستىق ءىس بويىنشا تەرگەۋ اياقتالدى، زارداپ شەككەندەرگە 22،6 ملرد تەڭگە كولەمىندە شىعىن وتەلدى. 7 قىلمىستىق توپ، ونىڭ ىشىندە 4 ترانسۇلتتىق توپ، سونداي-اق اينالىمى 176 ملرد تەڭگەدەن اساتىن 44 اقشانى زاڭسىز قولما-قول اينالدىرۋ جەلىسى زالالسىزداندىرىلدى.
ەسىرتكى بيزنەسى مەن الاياقتىقتان تۇسكەن كىرىستەردى جىلىستاتۋ ءۇشىن پايدالانىلعان 12 كولەڭكەلى كريپتوايىرباستاۋ پۋنكتى جويىلدى. شوتتارى ارقىلى 113 ملرد تەڭگەگە وپەراسيالار جۇرگىزىلگەن 36 دروپپەرلىك ۇياشىق انىقتالدى.
«عىلىمي ازىرلەمەلەردى كوممەرسيالاندىرۋ كەزىندە 10 ملرد تەڭگە مەملەكەت قاراجاتىن ۇرلاۋ تاۋەكەلدەرى انىقتالدى، سونداي-اق جەكە ەمحانالاردىڭ امسك-تەن زاڭسىز قارجىلاندىرۋ الۋى ءۇشىن 140 مىڭ ازاماتتى جالعان تىركەۋ سحەماسى اشىلدى»، — دەپ اتاپ ءوتتى قمب باسشىسى.
ۆەدومستۆو 9 مىڭ زاڭسىز قۇمار ويىن بيزنەسىنىڭ بەلگىلەرى بار اككاۋنتقا كىرۋدى بۇعاتتاپ، 2،3 مىڭ الاياقتىق رەسۋرس پەن جالپى اۋديتورياسى 35 مىڭنان اساتىن 25 توپتىق چاتتىڭ قىزمەتىن توقتاتتى.
مەملەكەت باسشىسى اگەنتتىك قىزمەتىنىڭ نەگىزگى باعىتتارى بويىنشا ءبىرقاتار تاپسىرما بەردى.
بۇعان دەيىن «كۋرسيۆ» توقاەۆتىڭ اتىراۋ وبلىسى مەن ۇلىتاۋ وبلىسىنىڭ جاڭا اكىمدەرىنە تاپسىرما بەرگەنىن جازعان بولاتىن.