قازاقستان پرەزيدەنتى قاسىم-جومارت توقايەۆ مالايزيا، گرۋزيا جانە برۋنەي-دارۋسسالامداعى قازاقستان رەسپۋبليكاسىنىڭ توتەنشە جانە وكىلەتتى ەلشىلەرىن تاعايىنداۋ تۋرالى جارلىققا قول قويدى، دەپ حابارلايدى infohub.kz سايتى.
پرەزيدەنتتىڭ ءباسپاسوز قىزمەتىنىڭ Telegram-ارناسىندا ءمالىم بولعانداي، مالىك مىرزالين قازاقستان رەسپۋبليكاسىنىڭ مالايزياداعى توتەنشە جانە وكىلەتتى ەلشىسى بولىپ تاعايىندالدى. بۇل رەتتە ول گرۋزياداعى ەلشى قىزمەتىنەن بوساتىلدى.
ەلشىلىكتىڭ دەرەگىنشە، مالىك مىرزالين 1971 جىلى 31 قازاندا اقتوبەدە دۇنيەگە كەلگەن. 1996 جىلى ماسكەۋ مەملەكەتتىك حالىقارالىق قاتىناستار ينستيتۋتىن بىتىرگەن. ەڭبەك جولىن قازاقستان رەسپۋبليكاسىنىڭ رەسەي فەدەراسياسىنداعى ەلشىلىگىندە باستاعان. ءار جىلدارى سولتۇستىك قازاقستان وبلىسىنىڭ اكىمدىگىندە، پرەزيدەنت ىستەرى باسقارماسىندا، قازاقستان رەسپۋبليكاسىنىڭ ءدىن ىستەرى اگەنتتىگىندە قىزمەت ەتكەن. اقمولا وبلىسىنىڭ اكىمى بولعان. قازاقستاننىڭ گرۋزياداعى ەلشىسى بولىپ تاعايىندالعانعا دەيىن قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ورىنباسارى قىزمەتىن اتقارعان.
ونىڭ ورنىنا قازاقستاننىڭ گرۋزياداعى توتەنشە جانە وكىلەتتى ەلشىسى بولىپ تالعات ادۋوۆ تاعايىندالدى. ءتيىستى جارلىققا قول قويىلدى.
ونىڭ ءومىربايانىندا 1976 جىلى 20 ناۋرىزدا دۇنيەگە كەلگەنى جازىلعان. مارمارا تۇرىك مەملەكەتتىك ۋنيۆەرسيتەتىن «ەكونوميكا» ماماندىعى بويىنشا بىتىرگەن. سىرتقى ىستەر مينيسترلىگىنىڭ ءتۇرلى كوميتەتتەرى مەن دەپارتامەنتتەرىندە، قازاقستان رەسپۋبليكاسى پرەزيدەنتىنىڭ اكىمشىلىگىندە جۇمىس ىستەگەن.
سونداي-اق «قازاۆتوجول» ۇك» اق باسقارما ءتوراعاسىنىڭ ورىنباسارى، پرەمەر-مينيستر كەڭسەسى باسشىسىنىڭ ورىنباسارى، «وتانداستار» قورى» كەاق ءبىرىنشى ۆيسە-پرەزيدەنتى قىزمەتتەرىن اتقارعان.
سونىمەن قاتار مەملەكەت باسشىسىنىڭ جارلىعىمەن بولات سۇگىربايەۆ قازاقستاندى مالايزيادا بۇدان بىلاي وكىلدەمەيدى. ول قوسا اتقارۋشى رەتىندە ەلدىڭ برۋنەي-دارۋسسالامداعى توتەنشە جانە وكىلەتتى ەلشىسى بولىپ تاعايىندالدى.