قازاقستان پرەزيدەنتى قاسىم-جومارت توقايەۆ قاۋىپسىزدىك كەڭەسى اپپاراتىندا ءبىرقاتار كادرلىق تاعايىنداۋ تۋرالى وكىمگە قول قويدى، دەپ حابارلايدى infohub.kz سايتى.
قۇجاتقا سايكەس، الەكساندر ۆلاديميروۆيچ سۋحانوۆ قازاقستان رەسپۋبليكاسى قاۋىپسىزدىك كەڭەسى اپپاراتىنىڭ تالداۋ ءبولىمىنىڭ مەڭگەرۋشىسى بولىپ تاعايىندالدى. ول بۇرىنعى قىزمەتىنەن بوساتىلدى.
راسۋل كابدۋللوۆيچ ۋرازگۋلوۆ قازاقستان رەسپۋبليكاسى قاۋىپسىزدىك كەڭەسى اپپاراتىنىڭ وزەكتى قاۋىپسىزدىك ماسەلەلەرى ءبولىمىن باسقاردى، ول دا بۇرىنعى قىزمەتىنەن بوساتىلدى.
مارات ماكسۋتوۆيچ ايماشيەۆ قازاقستان رەسپۋبليكاسى قاۋىپسىزدىك كەڭەسى اپپاراتىنىڭ اسكەري قاۋىپسىزدىك جانە قورعانىس ءبولىمىنىڭ مەڭگەرۋشىسى بولىپ تاعايىندالدى. ول دا بۇرىنعى قىزمەتىنەن بوساتىلدى.
ەرلان يسكاكوۆيچ بايتۋكبايەۆ قازاقستان رەسپۋبليكاسى قاۋىپسىزدىك كەڭەسى اپپاراتىنىڭ حاتشىلىعىنىڭ مەڭگەرۋشىسى بولدى.
ەسكە سالايىق، 29 تامىزدا قازاقستاندا قاۋىپسىزدىك كەڭەسىنىڭ اپپاراتى قۇرىلعان بولاتىن. 31 تامىزدا قازاقستان پرەزيدەنتى قاسىم-جومارت توقايەۆ جارلىققا قول قويىپ، ايدا بالاەۆانى ەلدىڭ قاۋىپسىزدىك كەڭەسى ءتوراعاسىنىڭ ورىنباسارى قىزمەتىنە تاعايىندادى.
11 قىركۇيەكتە مەملەكەت باسشىسىنىڭ جارلىعىمەن قاۋىپسىزدىك كەڭەسى جانە ونىڭ اپپاراتى تۋرالى ەرەجەلەر بەكىتىلىپ، قازاقستان رەسپۋبليكاسى قاۋىپسىزدىك كەڭەسى ءتوراعاسىنىڭ ورىنباسارىنىڭ وكىلەتتىكتەرى ايقىندالدى.