قازاقستان پرەزيدەنتى قاسىم-جومارت توقايەۆ رەسپۋبليكانىڭ قورعانىس ءمينيسترى بولىپ تاعايىندالعان ايدوس مىرزاحمەتوۆتى قابىلدادى. بۇل تۋرالى infohub.kz سايتى حابارلايدى.
اقوردانىڭ مالىمەتىنشە، اڭگىمە بارىسىندا مەملەكەت باسشىسى ەلدىڭ قورعانىس قابىلەتىن نىعايتۋعا، قارۋلى كۇشتەردىڭ جاۋىنگەرلىك ازىرلىگىن ارتتىرۋعا جانە اسكەري باسقارۋ جۇيەسىن جەتىلدىرۋگە قاتىستى ناقتى تاپسىرمالار بەردى.
«مەملەكەت باسشىسى اسكەري قىزمەت قاۋىپسىزدىگىنە ەرەكشە نازار اۋداردى. پرەزيدەنت اسكەري قىزمەتشىلەردىڭ ءومىرى مەن دەنساۋلىعىن ساقتاۋ بارلىق دەڭگەيدەگى قولباسشىلىق ءۇشىن ءسوزسىز باسىمدىق بولۋى كەرەكتىگىن اتاپ ءوتتى»، — دەلىنگەن حابارلامادا.
سونىمەن قاتار قاسىم-جومارت توقايەۆ كاسىبي دايارلىق ساپاسىن ارتتىرۋ، اسكەري ينفراقۇرىلىمدى دامىتۋ، قارۋ-جاراق پەن تەحنيكانى جاڭعىرتۋ، سونداي-اق زاماناۋي تەحنولوگيالار مەن سيفرلىق شەشىمدەردى ەنگىزۋ مىندەتتەرىن قويدى.
پرەزيدەنت ارمياداعى تاربيە جۇمىسىن كۇشەيتۋ قاجەتتىگىن بولەك اتاپ ءوتىپ، اسكەري قىزمەتشىلەردىڭ جاۋاپكەرشىلىگىن، ءتارتىبىن جانە وتانعا دەگەن ادالدىعىن قالىپتاستىرۋعا نازار اۋدارۋ كەرەكتىگىن ايتتى. سونداي-اق اسكەري قىزمەتشىلەر مەن ولاردىڭ وتباسى مۇشەلەرىن الەۋمەتتىك قولداۋ ماسەلەلەرىنە ەرەكشە كوڭىل ءبولىندى.
سول كۇنى قازاقستاننىڭ قورعانىس ۆەدومستۆوسى باسشىلىعىندا كادرلىق وزگەرىستەر بولعانى بەلگىلى بولدى: داۋرەن قوسانوۆ قورعانىس ءمينيسترى قىزمەتىنەن بوساتىلىپ، ونىڭ ورنىنا ايدوس مىرزاحمەتوۆ تاعايىندالدى. بۇعان دەيىن قاسىم-جومارت توقايەۆ ماڭعىستاۋدا اسكەري قىزمەتشىلەردىڭ قازا تابۋىنان كەيىن قازاقستان قورعانىس مينيسترلىگىندەگى ىستەردىڭ جاي-كۇيىن كەشەندى تەكسەرۋ جونىندەگى كوميسسيا قۇرۋ تۋرالى وكىمگە قول قويعان بولاتىن.
ەسكە سالايىق، 24 قىركۇيەكتە وقۋ-جاۋىنگەرلىك تاپسىرمانى ورىنداۋ كەزىندە اۋا رايىنىڭ كەنەتتەن ناشارلاۋى مەن ەكپىندى جەلدىڭ سالدارىنان كاسپي تەڭىزىنە 17 اسكەري قىزمەتشى اعىزىلىپ كەتتى، ولاردىڭ 14ء-ى قازا تاپتى. ۇشەۋى قۇتقارىلىپ، بىرەۋى اۋرۋحاناعا جات قىزىلدى. قارساڭىندا وبلىستىق دەنساۋلىق ساقتاۋ باسقارماسى پاسيەنت ماڭعىستاۋ وبلىستىق كوپبەيىندى اۋرۋحاناسىنا جەتكىزىلگەنىن، ونىڭ جاعدايى تۇراقتى اۋىر دەپ باعالانعانىن حابارلادى. امان قالعانداردىڭ قاتارىندا اتىراۋ وبلىسىنان 19 جاستاعى بەكەت قۋاندىق جانە باتىس قازاقستان وبلىسىنان نيكيتا ۋدالوۆ بار.