قازاقستان پرەزيدەنتى قاسىم-جومارت توقايەۆ نورۆەگيا كورولى حوكون VIII-گە تاققا وتىرۋىنا بايلانىستى قۇتتىقتاۋ جەدەلحاتىن جولدادى، دەپ حابارلايدى infohub.kz سايتى.
جەدەلحاتتا مەملەكەت باسشىسى بىلاي دەپ اتاپ ءوتتى: «بۇل ايتۋلى وقيعا نورۆەگ مونارحياسىنىڭ كوپ عاسىرلىق تاريحىندا جاڭا بەت اشادى — ول ساباقتاستىقتىڭ، بىرلىكتىڭ بەرىك سيمۆولى ءارى ۇلتتىق بولمىستىڭ اجىراماس بولىگى. ءسىزدىڭ ادال قىزمەتىڭىز ەلدىڭ ودان ءارى دامۋىنا جانە حالقىنىڭ يگىلىگىنە ىقپال ەتەتىنىنە سەنىمدىمىن».
قازاقستان پرەزيدەنتى سونداي-اق ورتاق كۇش-جىگەردىڭ ارقاسىندا قازاق-نورۆەگ ىنتىماقتاستىعى ودان ءارى نىعايا تۇسەتىنىنە سەنىم ءبىلدىردى.
ەسكە سالايىق، 28 تامىزدا 89 جاسىندا نورۆەگيا كورولى حارالد V قايتىس بولدى. ول اۋرۋحانادا تىنىش كوز جۇمعانى حابارلاندى. حارالد Vء-نىڭ قازا تاپقانى تۋرالى حاباردان كەيىن تاق دەرەۋ ونىڭ ۇلى حوكونعا وتكەنى بەلگىلى بولدى.
بۇعان دەيىن قاسىم-جومارت توقايەۆ اكەسى — كورول حارالد Vء-نىڭ قايتىس بولۋىنا بايلانىستى نورۆەگيا كورولى حوكون VIII-گە كوڭىل ايتۋ جەدەلحاتىن جولداعان ەدى.
9 قىركۇيەكتە قازاقستاننىڭ نورۆەگياداعى ەلشىسى ءادىل تۇرسىنوۆ وسلودا وتكەن كورول حارالد Vء-نىڭ مەملەكەتتىك جەرلەۋ راسىمىنە قاتىستى.