كورەيا رەسپۋبليكاسىندا قازاقستان پرەزيدەنتى قاسىم-جومارت توقايەۆ پەن ەل پرەزيدەنتى لي چجە مەننىڭ رەسمي قارسى الۋ ءراسىمى ءوتتى. اقوردا ءىس-شارانىڭ فوتوسۋرەتتەرىن جاريالادى، دەپ حابارلايدى infohub.kz سايتى.
قازاقستان پرەزيدەنتىنىڭ ءباسپاسوز قىزمەتى حابارلاعانداي، سەۋلگە مەملەكەتتىك ساپارمەن كەلگەن قاسىم-جومارت توقاەۆتى رەسمي قارسى الۋ ءراسىمى كورەيا رەسپۋبليكاسى پرەزيدەنتىنىڭ رەزيدەنسياسىندا ءوتتى.
قاسىم-جومارت توقايەۆ پەن لي چجە مەن دەلەگاسيا مۇشەلەرىن بىر-بىرىنە تانىستىردى. قۇرمەت قاراۋىلى روتاسىنىڭ باستىعى سالەمدەسۋ راپورتىن بەردى، ەكى ەلدىڭ مەملەكەتتىك ءانۇراندارى شىرقالدى.
ايتا كەتەيىك، قازاقستان پرەزيدەنتىنىڭ فوتوسۋرەتى وڭتۇستىككورەيالىق بيىك عيماراتقا ورنالاستىرىلدى. سونىمەن قاتار، قازاقستان پرەزيدەنتى قۇرمەتتى قوناقتار كىتابىنا جازبا قالدىردى.
ەسكە سالايىق، كەشە قاسىم-جومارت توقايەۆ پرەزيدەنت لي چجە مەننىڭ شاقىرۋىمەن كورەيا رەسپۋبليكاسىنا مەملەكەتتىك ساپارمەن كەلگەن بولاتىن. سەۋلگە ساپارى بارىسىندا پرەزيدەنت وڭتۇستىك كورەيانىڭ مەملەكەتتىك جانە قوعام قايراتكەرلەرىن «دوستىق» وردەنىنىڭ II دارەجەسىمەن ماراپاتتادى.
ال بۇگىن مەملەكەت باسشىسى كورەيا رەسپۋبليكاسىنىڭ پرەمەر-مينيسترى حان سون سۋكپەن كەزدەسىپ، ەلدەر اراسىنداعى ىنتىماقتاستىقتى تالقىلادى.